Dinamalar

மீண்டும் வரும் சோழர்கள்... 2023 - ஏப்.,28ல் ‛பொன்னியின் செல்வன் 2' ரிலீஸ்

கல்கி எழுதிய சரித்திர நாவலான 'பொன்னியின் செல்வன்'ஐ பலரும் திரைப்படமாக எடுக்க முயன்று முடியாமல் போய் கைவிட்டார்கள். ஆனால், அதை இரண்டு பாகங்களாக எடுத்து முதல் பாகத்தை கடந்த செப்., 30ல் வெளியிட்டு இயக்குனர் மணிரத்னம் சாதனை படைத்தார். விக்ரம், ஜெயம் ரவி, கார்த்தி, ஐஸ்வர்யா ராய், திரிஷா, ஐஸ்வர்யா லட்சுமி, சோபிதா துலிபாலா, சரத்குமார், பார்த்திபன், பிரகாஷ் ராஜ், லால், பிரபு, ஜெயராம் உள்ளிட்ட ஏகப்பட்ட திரைநட்சத்திரங்கள் நடித்த இந்த படம் உலகம் முழுக்க ரூ.500 கோடி வசூலை கடந்து சாதனை படைத்தது. ஏ.ஆர்.ரஹ்மான் இசையமைத்து இருந்தார்.

இந்த படத்தின் இரண்டாம் பாகம் பணிகள் விறுவிறுப்பாக நடக்கின்றன. இரண்டாம் பாக படப்பிடிப்பு முடிந்துவிட்டது என்றாலும் பேட்ச் ஒர்க் மற்றும் இன்னும் சில காட்சிகளுக்கான படப்பிடிப்பு நடக்கிறது. இந்நிலையில் இரண்டாம் பாகம் ரிலீஸ் குறித்த அறிவிப்பை படக்குழு வெளியிட்டுள்ளது. அதன்படி பொன்னியின் செல்வன் 2, 2023, ஏப்., 28ல் திரைக்கு வருவதாக அறிவித்து, அது தொடர்பான புரொமோ வீடியோவையும் வெளியிட்டுள்ளனர்.

கோடை விடுமுறையை ஒட்டி ‛பொன்னியின் செல்வன் 2' ரிலீஸ் ஆக உள்ளது. இதனால் படத்தின் வசூல் சிறப்பாக இருக்கும் என்றும் முதல்பாகத்தை விட கூடுதல் வசூல் கிடைக்கும் என இப்போதே பாக்ஸ் ஆபிஸ் வட்டாரங்கள் தெரிவிக்கின்றன.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு
• 
  விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' ...
• 
  பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி'
• 
  சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்!
• 
  தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை ...