Dinamalar

அண்ணன், அம்மா, அப்பா... ஒரே ஆண்டில் மூன்று பேரை இழந்த மகேஷ்பாபு : ரசிகர்கள் ஆறுதல்

நடிகர் மகேஷ்பாபுவின் தந்தை நடிகர் கிருஷ்ணா(79) ஐதராபாத்தில் இன்று(நவ., 15) காலமானார். இந்தாண்டில் அண்ணன், அம்மா ஆகியோரை அடுத்து இப்போது தந்தையையும் இழந்த மகேஷ்பாபுவிற்கு ரசிகர்கள் ஆறுதல் கூறி வருகின்றனர்.

தெலுங்கு சினிமாவில் தற்போது முன்னணி நடிகராக இருப்பவர் மகேஷ்பாபு. இவரது தந்தை கிருஷ்ணாவும் தெலுங்கு சினிமாவின் முன்னாள் சூப்பர் ஸ்டாராக திகழ்ந்தார். இயக்குனராகவும், தயாரிப்பாளராகவும் வலம் வந்தார். வயது மூப்பால் ஏற்பட்ட பல்வேறு உடல்நல பிரச்னையால் அவதிப்பட்டு வந்த இவர், நேற்று மாரடைப்பு ஏற்பட்டு மருத்துவமனையில் சிகிச்சை பெற்று வந்தார். இன்று(நவ., 15) காலை அவரது உயிர் பிரிந்தது. கிருஷ்ணாவின் மறைவுக்கு திரையுலகினரும், ரசிகர்களும் இரங்கல் தெரிவித்துள்ளனர்.

கடந்த ஜன., 8ம் தேதி மகேஷ்பாபுவின் சகோதரரும், நடிகரும், தயாரிப்பாளருமான ரமேஷ்பாபு (56) உடல்நலபிரச்னையால் காலமானார்.

கடந்த செப்., 28ம் தேதி, மகேஷ்பாபுவின் தாயார் இந்திரா தேவி(70) வயது மூப்பு காரணமாக காலமானார்.

இன்று நவ., 15ம் தேதி மகேஷ்பாபுவின் தந்தையான கிருஷ்ணா(79) உடல்நல பிரச்னையால் காலமானார்.

இப்படி ஒரே ஆண்டில் மகேஷ்பாபு வீட்டில் மூன்று சோக நிகழ்வுகள் நடந்துள்ளன. இதனால் ரசிகர்கள் பலரும் அவருக்கு ஆறுதல் கூறி வருகின்றனர். StaystrongAnna என்ற ஹேஷ்டாக்கில் ரசிகர்கள் பலரும் மகேஷ்பாபுவிற்கு ஆறுதல் தெரிவித்து டிரெண்ட் செய்தனர்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!
• 
  சூர்யாவின் 'கருப்பு' படத்தின் கிளைமாக்ஸை மாற்றும் ஆர்.ஜே.பாலாஜி!
• 
  விக்னேஷ் சிவனை தொடர்ந்து ரோல்ஸ் ராய்ஸ் ஸ்பெக்டர் எலக்ட்ரிக் கார் ...