Dinamalar

தெலுங்கில் வெளியாகும் 'லவ் டுடே'

பிரதீப் ரங்கநாதன் இயக்கம், நடிப்பில் வெளிவந்துள்ள 'லவ் டுடே' படம் கடந்த ஐந்து நாட்களில் 20 கோடி ரூபாய் வரை வசூலித்து வெற்றிப் படமாக அமைந்துள்ளதாக கோலிவுட் வட்டாரங்கள் தெரிவிக்கின்றன. இப்படத்தைத் தெலுங்கில் டப்பிங் செய்து அடுத்த வாரம் வெளியிட உள்ளார்கள்.

விஜய் நடிக்கும் 'வாரிசு' படத்தைத் தயாரித்து வரும் ஸ்ரீ வெங்கடேஸ்வரா கிரியேஷன்ஸ் இப்படத்தைத் தெலுங்கில் வெளியிடுகிறது. படத்தில் நடித்துள்ள சத்யராஜ், ராதிகா ஆகியோர் தெலுங்கு ரசிகர்களுக்கு நன்கு அறிமுகமானவர்கள். மேலும், பிரதீப் புதுமுகம் என்பதால் இந்தப் படத்தை ரீமேக் செய்வதை விட டப்பிங் செய்து வெளியிடலாம் என முடிவு செய்துவிட்டார்களாம்.

தமிழில் இந்தப் படத்தின் மீது எதிர்பார்ப்பை உருவாக்கியது அதன் டிரைலர் தான். எனவே, தெலுங்கிலும் அது போல டிரைலரை வெளியிட்டு பரபரப்பை ஏற்படுத்த முயற்சிப்பதாகத் தகவல். தமிழில் சமீப காலங்களில் வெளிவந்த படங்களில் 'டேபிள் பிராபிட்' பார்த்த படங்களில் இந்த 'லவ் டுடே' படமும் இருக்கிறதாம். சுமார் 6 கோடி செலவில் தயாரானதாக சொல்லப்படும் இந்தப் படத்தின் தியேட்டர் வசூல் 20 கோடி, மேலும், ஓடிடி, சாட்டிலைட் உரிமை என நிறையவே லாபத்தைக் கொடுத்துள்ளது. தெலுங்கிலும் படம் வெற்றி பெற்றால் அதுவும் கூடுதல் லாபம்தான்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை
• 
  'ஜனநாயகன்' பாடல் வெளியீட்டு விழாவில் விஜய் பேசியது என்ன? மறந்தது என்ன?
• 
  தியேட்டரை மட்டும் நம்பாதீங்க: 2025 சொல்லி கொடுத்த பாடம்