Dinamalar

தமிழ், தெலுங்கில் முக்கியப் படங்களின் கதாநாயகியாக மாளவிகா

மலையாளம், கன்னடம், ஹிந்தி படங்களில் நடித்த பின் ரஜினிகாந்த் நடித்த 'பேட்ட' படத்தின் மூலம் தமிழில் அறிமுகமானவர் மாளவிகா மோகனன். அதன் பின் விஜய் நடித்த 'மாஸ்டர்' படத்தில் கதாநாயகியாக நடித்தார். தனுஷ் ஜோடியாக ஓடிடி தளத்தில் வெளியான 'மாறன்' படத்திலும் நடித்திருந்தார்.

சமூக வலைத்தளங்களில் அடிக்கடி கிளாமரான புகைப்படங்களை வெளியிட்டு தனக்கென ஒரு ரசிகர் கூட்டத்தை சேர்த்திருப்பவர் மாளவிகா. ஆனாலும், அவருக்கு அதற்குப் பிறகு சரியான வாய்ப்புகள் வராமல் இருந்தது. இப்போது இரண்டு முக்கிய படங்களில் கதாநாயகியாக நடிக்க ஒப்பந்தமாகியுள்ளார். அதில் ஒன்று தமிழ், மற்றொன்று தெலுங்கு.

பா ரஞ்சித் இயக்கத்தில் விக்ரம் கதாநாயகனாக நடிக்கும் 'தங்கலான்' படத்தில் இரண்டு கதாநாயகிகளில் ஒருவர் மாளவிகா. மற்றொரு கதாநாயகியாக பார்வதி நடிக்கிறார். தெலுங்கில் மாருதி இயக்த்தில் பிரபாஸ் நடிக்கும் புதிய படத்தில் இரண்டு கதாநாயகிகளில் ஒருவர் மாளவிகா. மற்றொரு கதாநாயகியாக நிதி அகர்வால் நடிக்கிறாராம். இப்படத்தின் படப்பிடிப்பு எந்தவித அறிவிப்பும் இன்றி கடந்த பத்து நாட்களாக நடந்து வருவதாகத் தகவல். தமிழ், தெலுங்கில் இரண்டு முக்கிய படங்களில் நடிப்பதன் மூலம் அடுத்த கட்டத்தை நோக்கிப் பயணிக்க உள்ளார் மாளவிகா மோகனன்.

• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...

• 
  வன்முறை, ரத்தம் தெறிக்கும் காட்சிகள் : ரஜினியின் 'கூலி' படத்திற்கு ‛ஏ' ...
• 
  பிரதீப் ரங்கநாதன் பாணியில் அபிஷன் ஜீவிந்த் நாளை மறுநாள் ஹீரோ ஆகிறார்
• 
  பிட்னஸ் ரகசியத்தை வெளியிட்ட சமந்தா
• 
  ஜெயிலர் 2 படப்பிடிப்பு : மீண்டும் கேரளா செல்லும் ரஜினி
• 
  3 விருதுகளை வென்ற ‛பார்க்கிங்' : ஷாரூக்கான், ராணி முகர்ஜி, ஜிவி ...