Dinamalar

நாங்களும் கெத்து காட்டுவோம்ல : சிபிஐ அதிகாரியாக நடிக்கும் பிரியாமணி

ஸ்ரீ லட்சுமி ஜோதி கிரியேஷன்ஸ் மற்றும் ஹரி ஹரா பிக்சர்ஸ் என்ற பட நிறுவனம் இணைந்து தமிழ் மற்றும் கன்னட மொழிகளில் தயாரித்திருக்கும் படம் 'DR 56. இந்த படத்தின் நாயகியாக பிரியாமணி நடித்துள்ளார். பிரவீன், தீபக் ராஜ் ஷெட்டி, ரமேஷ் பட், யத்திராஜ், மஞ்சுநாத் ஹெக்டே, சுவாதி ஆகியோர் நடித்துள்ளனர். ராகேஷ் திலக் ஒளிப்பதிவு செய்துள்ளார். நோபின் பால் இசை அமைத்துள்ளார். இதில் பிரியாமணி சிபிஐ அதிகாரியாக நடித்துள்ளார். ஹீரோக்களுக்கு நிகரான ஆக்ஷன் காட்சிகள் இந்த படத்தில் இடம் பெற்றிருக்கிறது.

படத்தை ராஜேஷ் ஆனந்த் லீலா இயக்கி உள்ளார். படம் பற்றி அவர் கூறியதாவது : இது அறிவியல் சார்ந்த கிரைம் திரில்லர். தற்போது சமூகத்தில் நிலவி வரும் உண்மைச் சம்பவங்களை கொண்டு திரைக்கதை அமைத்திருக்கிறோம். பிரியாமணி சிபிஐ அதிகாரியாக நடித்துள்ளார்.

இந்த கதையை சொல்லும்போதே பிரியாமணி மிகவும் பிரம்மிப்பானார். நேர்த்தியான சிபிஐ அதிகாரியாக நடிக்க தன்னை முற்றிலும் தயார்படுத்திக் கொண்டார். படம் தமிழ், கன்னடத்தில் நேரடியாக எடுத்ததால் ஓரே காட்சிகளை மாற்றி மாற்றி எடுப்பதில் சவாலாக இருந்தது. விறுவிறுப்பான திரைக்கதை ரசிகர்களை அடுத்து என்ன நடக்கும் என்ற ஆர்வத்தை தூண்டும். பிரியாமணி தனது திருமணத்திற்கு பிறகு நடிக்கும் முதல் தமிழ் படம் இது. படம் வருகிற டிசம்பர் 9 ம் தேதி திரையரங்குகளில் வெளியாக உள்ளது.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  தெலுங்கு திரையுலகை விட்டு ஒதுங்கியது ஏன்? : கமாலினி முகர்ஜி
• 
  தேசிய விருது பெற்றதற்காக கொடுத்த பார்ட்டியில் பணம் இல்லாமல் பாத்திரம் ...
• 
  இனி முத்தக்காட்சியில் நடிக்க மாட்டேன் : நிச்சயதார்த்தம் முடிந்தபின் ...
• 
  புதிய காதலி உடன் முன்னாள் காதலர் : தமன்னா கொடுத்த பதில்
• 
  இரண்டு வாரமாக தாக்குப் பிடிக்கும் 'கூலி'