Dinamalar

குட் பை - அமிதாப்பின் 80வது பிறந்தநாளில் படம் பார்க்க 80 ரூபாய் மட்டுமே

ஹிந்தித் திரையுலகத்தின் சீனியர் ஹீரோவான அமிதாப் அந்தக் காலத்தில் நிகழ்த்திய சாதனைகளைப் பற்றி சொல்லிக் கொண்டே போகலாம். 70 வயதைக் கடந்த பின்னும் அவரது வயதுக்கேற்ற பல சிறந்த கதாபாத்திரங்களை ஏற்று நடித்து இன்னமும் தனக்கென ஒரு தனி இடத்தை பாலிவுட்டில் பதித்துள்ளார். இன்று 80வது வயதை எட்டும் அமிதாப்புக்கு பாலிவுட் பிரபலங்கள், தென்னிந்திய பிரபலங்கள் பலரும் வாழ்த்துகளைத் தெரிவித்து வருகிறார்கள்.

அவரது பிறந்தநாளை முன்னிட்டு அவர் நடித்து கடந்த வாரம் வெளியான 'குட் பை' படக்குழுவினர் ஒரு சிறப்பைச் செய்துள்ளனர். இன்று 80வது வயதை எட்டும் அமிதாப்பின் 'குட் பை' படத்தைப் பார்க்க 80 ரூபாய் மட்டுமே கட்டணமாக இந்தியா முழுவதும் நிர்ணயிக்கப்பட்டுள்ளது. மும்பை, புனே, டில்லி, கோல்கட்டா, பெங்களூரூ உள்ளிட்ட நகரங்களில் உள்ள பெரும்பான்மையான திரையரங்குகளில் 80 ரூபாய் கட்டணத்திற்கே டிக்கெட்டுகளை விற்கின்றனர். அதற்கான ஆன்லைன் முன்பதிவுகளிலும் 80 ரூபாய் கட்டணம்தான் வைக்கப்பட்டுள்ளது.

ஆனால், சென்னை, ஐதராபாத் ஆகிய நகரங்களில் 80 ரூபாய் கட்டணத்திற்கு டிக்கெட்டுகள் விற்கப்படவில்லை. அவர்கள் தங்களது வழக்கமான கட்டணங்களையே நிர்ணயித்துள்ளனர்.

• 
  'திரெளபதி 2' படத்தில் பாடியதற்காக மன்னிப்பு கேட்ட சின்மயி
• 
  மஞ்சு வாரியரிடம் கமல் வைத்த கோரிக்கை
• 
  ரியோ ராஜ் நடிக்கும் 'ராம் இன் லீலா'
• 
  இயக்குனர் ராஜ் நிடிமொருவை 2வது திருமணம் செய்தார் சமந்தா
• 
  நடிகை கனகா தந்தையும் இயக்குனருமான தேவதாஸ் காலமானார்

• 
  நகைச்சுவைக்கு நேரமும் இயல்பான வெளிப்பாடும் அவசியம் : ஷ்ரேயா ஷர்மா
• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!