Dinamalar

திலீப் தமன்னாவுடன் இணைந்த சரத்குமார்

இன்றைய தேதியில் தென்னிந்திய அளவில் அதிக படங்களில் நடித்து வருபவர் நடிகர் சரத்குமார் தான். கிட்டத்தட்ட 20 படங்களில் நடித்து வரும் சரத்குமார், சமீபத்தில் வெளியான பொன்னியின் செல்வன் படத்தில் பெரிய பழுவேட்டரையராக நடித்து ரசிகர்களின் பாராட்டுக்களை பெற்று வருகிறார்.

ஹீரோவாகத்தான் நடிப்பேன் என பிடிவாதம் காட்டாமல் தற்போது குணச்சித்திர நடிகராக, வில்லனாக தன்னை மாற்றிக்கொண்டதால் அவருக்கு வேறு மொழியில் இருந்தும் வாய்ப்புகள் தேடி வருகின்றன. அந்த வகையில் தற்போது மலையாளத்தில் மம்முட்டி நடிக்கும் கிறிஸ்டோபர் படத்தில் முக்கிய கதாபாத்திரத்தில் நடித்துள்ள சரத்குமார், நடிகர் திலீப் நடிக்கும் படத்திலும் தற்போது முக்கிய வேடத்தில் நடித்து வருகிறார்.

இந்த படத்தில் கதாநாயகியாக நடிப்பதன் மூலம் நடிகை தமன்னா முதன்முதலாக மலையாள திரையுலகில் அடியெடுத்து வைத்துள்ளார் என்பது குறிப்பிடத்தக்கது. திலீப்பை வைத்து ஏற்கனவே ராம்லீலா என்கிறார் சூப்பர்ஹிட் படத்தை கொடுத்த இயக்குனர் அருண்கோபி தான் இந்த படத்தை இயக்குகிறார். ஏற்கனவே மலையாளத்தில் 2011ல் வெளியான கிறிஸ்டியன் பிரதர்ஸ் என்கிற படத்தில் சரத்குமாரும் திலீப்பும் இணைந்து நடித்துள்ளனர் என்பதும் இங்கே குறிப்பிடத்தக்கது.

• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு

• 
  ராமாயணா டைட்டில் வீடியோ 9 நகரங்களில் வெளியாகிறது
• 
  நிவின் பாலி ஜோடியாக ப்ரீத்தி முகுந்தன்
• 
  'எம்ஜிஆரின் பரிசுத்த நினைப்பே படத்தின் தலைப்பு'... “திருடாதே”
• 
  தெலுங்கில் லாபக் கணக்கை ஆரம்பித்த 'குபேரா'
• 
  சிம்பு - வெற்றிமாறன் படத்தின் அடுத்த அப்டேட் ?