Dinamalar

பாலிவுட்டில் வரவேற்பை பெற்ற புஷ்கர், காயத்ரி, சாம்

புஷ்கர், காயத்ரி தம்பதிகள் இயக்கிய விக்ரம் வேதா படம் இங்கு பெரிய வரவேற்பை பெற்றது. இதை தொடர்ந்து அந்த படத்தை அதே பெயரில் பாலிவுட்டில் இயக்கினார்கள். மாதவன் நடித்த கேரக்டரில் சயீப் அலிகானும், விஜய்சேதுபதி நடித்த கேரக்டரில் ஹிர்த்திக் ரோஷனும் நடித்தார்கள். தமிழில் இசை அமைத்த சாம்.சி.எஸ் இசை அமைத்திருந்தார்.

பாலிவுட் படங்கள் தொடர்ந்து தோல்வி அடைந்து வந்த நேரத்தில் தற்போது விக்ரம் வேதா படம் நல்ல வரவேற்பை பெற்றுள்ளது. இதன் மூலம் புஷ்கர், காயத்ரி, மற்றும் இசை அமைப்பாளர் சாம்.சி.எஸ் ஆகியோர் பாலிவுட்டில் தங்களுக்கென ஒரு இடத்தை பிடித்துள்ளார்கள்.

இது தொடர்பாக தயாரிப்பு நிறுவனம் வெளியிட்டுள்ள செய்தி குறிப்பில் கூறப்பட்டிருப்பதாவது: பாலிவுட்டின் முன்னணி நட்சத்திர நடிகர்களான ஹிர்த்திக் ரோஷன் - சயீப் அலி கான் ஆகியோர் முதன்மையான கதாப்பாத்திரத்தில் நடித்து, இந்தியில் வெளியான விக்ரம் வேதா படத்திற்கு ரசிகர்களிடம் பெரும் வரவேற்பு கிடைத்து வருகிறது. இதனூடாக தமிழில் சாதனை படைத்த இயக்குநர்கள் புஷ்கர் காயத்திரி மற்றும் இசையமைப்பாளர் சாம் சிஎஸ் ஆகிய இருவரும், இந்தியிலும் தங்களது புதிய சாதனையை படைத்திருக்கிறார்கள்.

புஷ்கர் காயத்ரி தம்பதிகள் இந்தியில் மறு உருவாக்கத்தின் போது, இந்தி திரையுலக ரசிகர்களுக்காக சிற்சில மாற்றங்களை செய்து, விக்ரம் வேதா திரைப்படத்தை உருவாக்கியிருந்தனர். தமிழில் இசைஜாலம் செய்த இசையமைப்பாளர் சாம் சி எஸ் தான் இந்தி பதிப்பிற்கும் இசையமைத்திருந்தார். விக்ரம் வேதா இந்தியில் வெளியானவுடன் ரசிகர்களிடம் பெரிய வரவேற்பு கிடைத்தது. படத்தை இயக்குநர்கள் புஷ்கர் காயத்ரி நேர்த்தியாக இயக்கியிருந்ததாகவும், படத்தின் வெற்றிக்கு சாம் சி எஸ் அவர்களின் நுட்பமான பின்னணி இசையும் காரணம் என்றும் ரசிகர்களும், விமர்சகர்களும் நேர்மறையான விமர்சனத்தை வெளிப்படுத்தியிருந்தார்கள். அத்துடன் இயக்குநரையும், இசையமைப்பாளரையும் பாராட்டினர்.

விக்ரம் வேதாவை கதை சொல்லும் உத்தியில் வித்தியாசமான பாணியை அறிமுகப்படுத்தி தமிழில் வெற்றி பெற செய்ததைப் போல், இந்தியிலும் வெற்றி பெற செய்திருக்கிறார்கள். நன்மைக்கும், தீமைக்கும் இடையேயான போட்டியை, காலம் காலமாக சொல்லப்பட்டு வரும் 'விக்கிரமாதித்தன் வேதாளம் ஏறும் கதைக் பாணியில் திரைக்கதை அமைத்து, ரசிகர்களை கவர்ந்திருக்கிறார்கள் அவர்களுடைய இந்த ஸ்டைலை, தமிழ் ரசிகர்களை போல் இந்தி திரையுலக ரசிகர்களும் ஏற்று கொண்டாடி வருகிறார்கள்.

இவ்வாறு அந்த செய்தி குறிப்பில் கூறப்பட்டுள்ளது.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  சமந்தாவின் அபத்தமான, பயனற்ற செலவு என்ன தெரியுமா?
• 
  எல்லாருக்கும் தெரிஞ்ச விஷயம்தான் - காதலை உறுதி செய்த ராஷ்மிகா
• 
  கேம் சேஞ்சர் படத்திற்காக 15 கோடியில் படமாக்கப்பட்ட பிரம்மாண்ட பாடல்
• 
  பணி படம் பார்த்துவிட்டு ஜோஜூ ஜார்ஜை பாராட்டிய கமல்
• 
  'விசில் போடு' சாதனையை முறியடிக்குமா 'கிஸ்ஸிக்'?