Dinamalar

'வாரிசு' தயாரிப்பாளருக்குப் பிறந்த ஆண் வாரிசு

வம்சி பைடிப்பள்ளி இயக்கத்தில், விஜய், ராஷ்மிகா மந்தனா மற்றும் பலர் நடிக்கும் படம் 'வாரிசு'. தமிழ், தெலுங்கில் தயாராகி வரும் இப்படத்தை பிரபல தெலுங்கு தயாரிப்பாளர் தில் ராஜு தயாரித்து வருகிறார். இந்தப் படம் மட்டுமல்லாமல் ஷங்கர், ராம்சரண் நடிக்கும் தெலுங்குப் படத்தையும் தயாரித்து வருகிறார். பல தெலுங்கு வெற்றிப் படங்களைத் தயாரித்தவரும் கூட.

இவருக்கு 2020ம் ஆண்டு வைகா ரெட்டி என்பவருடன் இரண்டாவது திருமணம் நடைபெற்றது. தில் ராஜுவின் முதல் மனைவி அனிதா உடல் நலக் குறைவு காரணமாக சில ஆண்டுகளுக்கு முன்பு மரணம் அடைந்ததால் இரண்டாம் திருமணம் செய்து கொண்டார்.

52 வயதான தில் ராஜுவை விட பல வயது குறைந்தவர் அவரது இரண்டாவது மனைவி வைகா. கர்ப்பமடைந்திருந்த வைகா இன்று காலை ஐதராபாத்தில் உள்ள தனியார் மருத்துவமனையில் ஆண் குழந்தையை நலமுடன் பெற்றெடுத்தார். 'வாரிசு' படத்தைத் தயாரித்துக் கொண்டிருக்கும் தயாரிப்பாளருக்கு ஆண் வாரிசு பிறந்ததால் மகிழ்ச்சியுடன் இருக்கிறார்.

தில் ராஜுவுக்கு முதல் மனைவி மூலம் ஒரு மகள் இருக்கிறார். அவர் அப்பாவுடன் படத் தயாரிப்பில் ஈடுபட்டு வருகிறார். தில் ராஜுக்கு தெலுங்கு சினிமா பிரபலங்கள் வாழ்த்துகளைத் தெரிவித்து வருகிறார்கள்.

• 
  திரிப்தி டிம்ரிக்கு மெஹந்தி போட்டுவிட்ட ராஜ்குமார் ராவ்
• 
  நான் ஒரு சின்ன நடிகர் : பாலிவுட் நடிகரை அதிர வைத்த பஹத் பாசில்
• 
  தேசிய விருது பெற்ற 'ஏஆர்எம்' பட நடிகையை ஞாபகம் வைத்து பாராட்டிய அக்ஷய் ...
• 
  தணிக்கை குழுவிடம் பணிந்தார் கங்கனா
• 
  துப்பாக்கி தவறுதலாக வெடித்ததில் நடிகர் கோவிந்தா காயம்

• 
  கவின் பட இயக்குனருடன் இணையும் ஹரிஷ் கல்யாண்
• 
  'கோட்' மோதிரத்துடன் வைரலாகும் விஜய் புகைப்படம்
• 
  ஒரு வாரத்தில் 400 கோடி கடந்த 'தேவரா' வசூல்
• 
  விஜய் 69வது படத்தின் டெக்னீசியன்கள் பட்டியல் வெளியானது!
• 
  மனதை கல்லாக்கி அந்தக் காட்சிகளை நீக்கினேன் - பிரேம்குமார்