Dinamalar

காஜல் அகர்வால் பெயரை உச்சரிக்காமலேயே நடைபெற்ற ஆச்சார்யா புரமோஷன் நிகழ்ச்சி

சிரஞ்சீவி நடிப்பில் அடுத்ததாக வெளிவர இருக்கும் படம் ஆச்சார்யா. கொரட்டாலா சிவா இயக்கியுள்ள இந்த படத்தில் சிரஞ்சீவியின் மகன் ராம்சரணும் சற்று நீட்டிக்கப்பட்ட கெஸ்ட் ரோலில் முக்கியமான கதாபாத்திரத்தில் நடித்துள்ளார். அவருக்கு ஜோடியாக நடிகை பூஜா ஹெக்டே நடித்துள்ளார். அதற்கு முன்னதாக சிரஞ்சீவிக்கு ஜோடியாக நடிப்பதற்காக காஜல் அகர்வால் ஒப்பந்தம் செய்யப்பட்டு சில நாட்கள் படப்பிடிப்பிலும் கலந்து கொண்டார். அதன்பிறகு அவர் கர்ப்பமாக இருப்பதாக கூறி படப்பிடிப்பிற்கு வருகை தருவதை நிறுத்தினார்.

இதனால் இந்த படத்தில் காஜல் அகர்வால் இருக்கிறாரா இல்லையா..? அவர் சம்பந்தப்பட்ட காட்சிகளை அதற்கு முன்னதாகவே படமாக்கி விட்டார்களா என்கிற சந்தேகம் ரசிகர்களுக்கு ஏற்பட்டது. கடந்த சில நாட்களுக்கு முன்பு வெளியான இந்தப் படத்தின் ட்ரெய்லரில் கூட காஜல் அகர்வால் சம்பந்தப்பட்ட காட்சிகள் எதுவும் இடம்பெறவில்லை. இதனால் இந்த படத்தில் காஜல் அகர்வால் சம்பந்தமாக எடுக்கப்பட்ட காட்சிகள் அனைத்தும் நீக்கப்பட்டுவிட்டன என்றும் அவர் இல்லாமலேயே இந்த படம் திரைக்கு வரும் என்றும் சொல்லப்பட்டு வந்தது.

இந்த நிலையில் நேற்று நடைபெற்ற ஆச்சார்யா படத்தின் புரமோஷன் நிகழ்ச்சியில் கலந்துகொண்ட சிரஞ்சீவி ராம்சரண் உள்ளிட்ட படக்குழுவினரும் மற்றும் சிறப்பு விருந்தினரான ராஜமவுலி உட்பட யாருமே காஜல் அகர்வால் பெயரை மேடையில் உச்சரிக்கவே இல்லை. அந்த வகையில் இந்த படத்தில் காஜல் அகர்வால் இல்லை என்பது 100 சதவீதம் உறுதியாகி விட்டது என்றே சொல்லலாம்.

• 
  கைதி படத்தின் ஹிந்தி ரீமேக் : இயக்குநர் திடீர் மாற்றம்
• 
  ஹிந்தி விக்ரம் வேதா பட்ஜெட் அதிகரிப்பா? - தயாரிப்பு தரப்பு விளக்கம்
• 
  பாலியல் துன்புறுத்தல் பற்றி பேசுவது எளிதானதல்ல : குப்ரா சயித்
• 
  அசாம் நடிகர் தமிழ்நாட்டில் பலி
• 
  தங்கப்பதக்கத்தை சோனுசூட்டுக்கு சமர்ப்பணம் செய்த கராத்தே வீராங்கனை

• 
  டாப்ஸி படத்தில் கதாநாயகியாக சமந்தா
• 
  விக்ரம் படம் பார்த்துவிட்டு கமலை வாழ்த்திய வானதி சீனிவாசன்
• 
  மலையாள இயக்குனர் தமிழில் இயக்கும் படத்தில் ஹீரோவாக சரத்குமார்
• 
  ஆதித்த கரிகாலன், வந்தியத் தேவன் வருகை : மற்றவர்கள் எப்போது ?
• 
  உதயநிதியின் அடுத்த படத் தலைப்பு 'கழகத் தலைவன்' ?