Dinamalar

ரஜினிகாந்த் சாதனையை முறியடிக்கப் போகும் யஷ்

தென்னிந்தியத் திரையுலகத்தில் பல வசூல் சாதனைகளை எப்போதோ படைத்தவர் தமிழ் நடிகரான ரஜினிகாந்த். அவரது பல படங்கள் தெலுங்கு, ஹிந்தியில் டப்பிங் ஆகி குறிப்பிடத்தக்க வசூலைப் பெற்றுள்ளன.

இதுவரையில் தெலுங்கில் டப்பிங் செய்யப்பட்டு வெளியான படங்களில் தமிழ்ப் படங்கள்தான் அதிக வசூலைப் பெற்றுள்ளன. குறிப்பாக ரஜினிகாந்த் நடித்த '2.0, ரோபோ' ஆகிய படங்கள்தான் முதலிரண்டு இடங்களைப் பிடித்துள்ளன. அதற்கடுத்த இடங்களில் “ஐ, கபாலி, காஞ்சனா 3, சிவாஜி, முனி 3, பிச்சைக்காரன், லிங்கா, 24, ஏழாம் அறிவு, மாஸ்டர்” ஆகிய படங்கள் உள்ளன.

இவற்றில் '2.0' படம் 50 கோடி வசூலித்து முதலிடத்தில் உள்ளது. அந்த வசூலை இப்போது கன்னடத்திலிருந்து தெலுங்கிற்கு டப்பிங் செய்யப்பட்டுள்ள 'கேஜிஎப் 2' படம் முறியடிக்க உள்ளது. மூன்றே நாட்களில் 'கேஜிஎப் 2' படம் தெலுங்கில் 43 கோடி வசூலை எட்டியுள்ளது. இன்றைய ஒரு நாள் வசூல் மூலம் 50 கோடி ரூபாயைக் கடந்துவிடும் வாய்ப்புள்ளது.

கடந்த பல வருடங்களாக தெலுங்குத் திரையுலகத்தில் தனது டப்பிங் படங்களின் மூலம் ஆதிக்கம் செலுத்தி வந்த ரஜினிகாந்த்தின் சாதனையை கன்னட நடிகரான யஷ் முறியடிக்கப் போகிறார்.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  போர்ச்சுக்கல் நாட்டிற்கு ஹனிமூன் சென்ற சமந்தா- ராஜ் நிடிமொரு!
• 
  காத்திருங்கள்: அஜித்தின் 'மங்காத்தா' விரைவில் ரீ ரிலீஸ்!
• 
  தனுஷ் 54வது படத்தின் டைட்டில் போஸ்டர் எப்போது?
• 
  கதையின் நாயகியாக மாறிய தனுஷ் பட நடிகை!
• 
  ரியோ ராஜின் 'ராம் இன் லீலா' முதற்கட்ட படப்பிடிப்பு நிறைவு!