Dinamalar

ஆச்சார்யாவில் காஜல் அகர்வாலின் கதாபாத்திரம் நீக்கம்?

சிரஞ்சீவி நடிப்பில் அடுத்ததாக வெளிவர இருக்கும் படம் ஆச்சார்யா. கொரட்டாலா சிவா இயக்கத்தில் உருவாகியுள்ள இந்த படத்தில் முக்கிய கதாபாத்திரத்தில் நடிகர் ராம் சரண் நடித்துள்ளதுடன் இந்த படத்தை தயாரிக்கவும் செய்துள்ளார். இந்த படத்தில் சிரஞ்சீவிக்கு ஜோடியாக காஜல் அகர்வாலும், ராம்சரணுக்கு ஜோடியாக பூஜா ஹெக்டேவும் கதாநாயகிகளாக நடித்துள்ளனர். இந்த நிலையில் காஜல் அகர்வாலின் கதாபாத்திரத்தை இந்த படத்தில் இருந்து நீக்கி விட்டதாக ஒரு தகவல் பரபரப்பாக பேசப்படுகிறது.

இந்த படத்தில் நடிப்பதற்காக ஆரம்பத்தில் த்ரிஷா, தமன்னா உள்ளிட்ட கதாநாயகிகள் பேசப்பட்டு பல காரணங்களால் அவர்கள் இதிலிருந்து விலகிக்கொள்ள கடைசியாக இந்த கதாபாத்திரத்தில் நடிப்பதற்கு ஒப்பந்தம் ஆனவர் தான் காஜல் அகர்வால். அந்த படத்தில் நடிக்க ஆரம்பித்த சமயத்தில் தான் அவர் கர்ப்பமான தகவல் தெரிய வந்ததால் குறிப்பிட்ட நாட்கள் படமாக்கப்பட்ட காட்சிகளுடன் அதன்பிறகு படப்பிடிப்பிற்கு காஜல் அகர்வால் வரவில்லை என்று சொல்லப்படுகிறது.

இந்த நிலையில் படத்தில் மிகப்பெரிய முக்கியத்துவம் இல்லாத கதாபாத்திரம் என்பதால் படத்திலிருந்து அதை நீக்க முடிவு செய்துவிட்டதாக சொல்லப்படுகிறது. அதற்கேற்றவாறு சமீபத்தில் வெளியான டிரெய்லரில் கூட காஜல் அகர்வால் வரும் காட்சிகள் எதுவும் இடம்பெறவில்லை. அதுமட்டுமல்ல காஜல் அகர்வால் தனது சோசியல் மீடியா பக்கத்தில் அந்த ட்ரெய்லரை பகிர்ந்து கொள்ளவும் இல்லை என்பது இந்த தகவலை உறுதிப்படுத்தும் விதமாக இருக்கிறது.

• 
  உயிரோடு இருப்பேனா என அச்சம் ஏற்பட்டது ; லாஸ் ஏஞ்சல்ஸ் தீ விபத்தில் ...
• 
  ஹிந்தியில் எதிர்பார்த்ததை விட அதிகமாக வசூலித்த ‛கேம் சேஞ்ஜர்'
• 
  பாலிவுட்டின் மகா ஆரோக்கிய கேம்ப் அறிமுக விழாவில் விந்து தாரா சிங், பூனம் ...
• 
  பூச்சிக் கொல்லி மருந்து நிறுவனங்களின் மறுபக்கத்தை காட்டும் காஜல் ...
• 
  'எமர்ஜென்சி' படம் பார்க்க பிரியங்காவுக்கு கங்கனா அழைப்பு

• 
  துருவ நட்சத்திரம் படத்திற்கு யாரும் உதவவில்லை: கவுதம் மேனன் வருத்தம்
• 
  வாழ்க்கையில் மாற்றத்தை ஏற்படுத்திய 'விடுதலை': சூரி நெகிழ்ச்சி
• 
  'ஜெயம்' வேண்டாம்; ரவி போதும்: அறிக்கை வெளியிட்டு அறிவிப்பு
• 
  மீண்டும் ரீ ரிலீஸ் ஆகும் பாட்ஷா!
• 
  ஜனவரி 17ல் தமிழில் வெளியாகும் பாலகிருஷ்ணாவின் 'டாக்கு மகாராஜ்'