துல்கர் படத்தில் ராஷ்மிகா : உறுதி செய்த பர்ஸ்ட்லுக் போஸ்டர்

06 ஏப், 2022 - 10:51 IST

0 கருத்துகள் கருத்தைப் பதிவு செய்ய

எழுத்தின் அளவு:

குறுகிய காலகட்டத்திலேயே முன்னணி நடிகையாக வளர்ச்சியடைந்தவர் நடிகை ராஷ்மிகா மந்தனா. தற்போது தெலுங்கு, தமிழ் மட்டுமல்லாது பாலிவுட் படங்களிலும் நடித்து வருகிறார். நேற்று அவரது பிறந்தநாளை முன்னிட்டு வம்சி பைடிப்பள்ளி இயக்கத்தில் விஜய் முதன்முறையாக தெலுங்கில் நடித்து வரும் படத்தில் அவருக்கு ஜோடியாக ராஷ்மிகா நடிக்கிறார் என்கிற அறிவிப்பு வெளியானது.

அதேபோல இன்னொரு சஸ்பென்ஸும் கூட நேற்று அவரது பிறந்தநாளில் உடைந்து வெளிச்சத்திற்கு வந்தது. ஆம். தற்போது தெலுங்கில் ஹனு ராகவபுடி இயக்கத்தில் துல்கர் சல்மான் நடித்து வரும் லெப்டினன்ட் ராம் என்கிற படத்தில் ஆப்ரீன் என்கிற முக்கிய கதாபாத்திரத்தில் ராஷ்மிகா நடிக்கிறார் என்கிற அறிவிப்பை அவரது கேரக்டர் லுக் மோஷன் போஸ்டருடன் வெளியிட்டுள்ளனர். இதில் பற்றி எரியும் ஒரு காரின் முன்னே சிவப்பு நிற ஹிஜாப் அணிந்து ரொம்பவே வித்தியாசமாக காட்சி தருகிறார் ராஷ்மிகா.

இந்த படத்தில் ஏற்கனவே மிருனாள் தாக்கூர் என்பவர் துல்கர் சல்மானுக்கு ஜோடியாக நடித்து வருகிறார். இன்னொரு முக்கியமான, அதே சமயம் கொஞ்ச நேரமே வந்து போகின்ற இன்னொரு நாயகி கதாபாத்திரத்தில் நடிப்பதற்காக கடந்த செப்டம்பர் மாதமே ராஷ்மிகாவை அணுகி பேச்சு வார்த்தை நடத்தி வந்தார்கள். முக்கியத்துவம் உள்ள கேரக்டர் தான் என்றாலும், இப்போது முன்னணி நடிகையாக மாறி இருக்கும் நிலையில், அதில் நடிக்கத்தான் வேண்டுமா என்று ராஷ்மிகா தயக்கம் காட்டுவதாகவும் அதனால் அவர் இந்தப்படத்தில் நடிக்க வாய்ப்பில்லை என்றும் சொல்லப்பட்ட நிலையில் தான், அவரது பிறந்தநாளில் இப்படி ஒரு சர்ப்ரைஸ் அறிவிப்பு வெளியாகியுள்ளது.

Rashmika

Dulquersalman

கருத்துகள் (0) கருத்தைப் பதிவு செய்ய

சமந்தாவின் யசோதா ரிலீஸ் தேதி ...

அடுத்தடுத்து இணையும் கோலிவுட் - ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய