ராதேஷ்யாம் - 100 கோடிக்கு மேல் நஷ்டம்?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ராதேஷ்யாம் - 100 கோடிக்கு மேல் நஷ்டம்?

21 மார், 2022 - 12:42 IST

எழுத்தின் அளவு:

ராதாகிருஷ்ணகுமார் இயக்கத்தில் பிரபாஸ், பூஜா ஹெக்டே மற்றும் பலர் நடித்து ஐந்து மொழிகளில் வெளியான படம் 'ராதேஷ்யாம்'. பான்--இந்தியா ஸ்டார் என 'பாகுபலி' படங்களின் மூலம் பெயரெடுத்து பிரபாஸ், 'சாஹோ' படத்தின் மூலம் ஹிந்தியில் மட்டும் சாதித்தார். மற்ற மொழிகளில் அப்படம் பலமாக சறுக்கியது.

'ராதேஷ்யாம்' படத்தை சுமார் 300 கோடி ரூபாய் பட்ஜெட்டில் உருவாக்கியதாக தகவல் வெளியானது. 200 கோடி ரூபாய் அளவிற்கு தியேட்டர் வியாபாரம் நடைபெற்றது. ஹிந்தியில் மட்டுமே 100 கோடி ரூபாயைக் கடந்து வசூல் வரும் என்று எதிர்பார்த்தார்கள். ஆனால், 25 கோடி வசூலைத் தாண்டுவதற்கே படம் திக்கித் திணறிக் கொண்டிருக்கிறது.

ஒரு வாரம் முன்பு படத்தின் வசூல் 150 கோடியைக் கடந்துவிட்டதாக தயாரிப்பு நிறுவனம் அதிகாரப்பூர்வமாக அறிவித்தது. அதன்பின் எந்த வசூல் விவரத்தையும் வெளியிடவில்லை. கடந்த நான்கு நாட்களாக படம் பற்றி எதுவுமே பதிவிடவில்லை.

படத்தின் வசூல் 200 கோடியைத் தாண்டியிருக்க வாய்ப்பில்லை என்றே டோலிவுட் வட்டாரங்கள் தெரிவிக்கின்றன. சுமார் 100 கோடிக்கும் அதிகமாக இப்படத்தின் மூலம் நஷ்டம் வரும் என்றும் சொல்கிறார்கள். இந்தப் படத்தின் வசூல் ஏற்படுத்திய பாதிப்பால் பிரபாஸ் அடுத்து நடித்து வரும் பான்--இந்தியா படங்களின் வியாபாரம் பாதிக்கப்படவும் வாய்ப்புண்டு.

Radheshyam

Prabhas

கருத்துகள் (0) கருத்தைப் பதிவு செய்ய

மகளை அறிமுகம் செய்த மகேஷ்பாபு

அனிருத்துக்கு சாத்தியமானது

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய