Dinamalar

பெங்களூருவில் 500 காட்சிகளில் 'வலிமை' திரையீடு

வினோத் இயக்கத்தில், யுவன்ஷங்கர் ராஜா இசையமைப்பில், அஜித், ஹுமா குரேஷி, கார்த்திகேயா மற்றும் பலரது நடிப்பில் நாளை உலகம் முழுவதும் வெளியாக உள்ள படம் 'வலிமை'.

தமிழகத்தின் சென்னையில் வெளியாவதை விட கர்நாடக மாநிலத் தலைநகரான பெங்களூருவில் இப்படம் அதிக தியேட்டர்களில் வெளியாகி, அதிகக் காட்சிகள் திரையிடப்பட உள்ளது. சென்னையில் தமிழில் மட்டும்தான் இப்படம் வெளியாகிறது. ஆனால், பெங்களூருவில் தமிழ், தெலுங்கு, கன்னடம் ஆகிய மூன்று மொழிகளில் வெளியாக உள்ளது. இவற்றில் தமிழ் பதிப்பு தான் அதிகத் தியேட்டர்களில் வெளியாகிறது.

பெங்களூருவில் மட்டும் 500க்கும் மேற்பட்ட காட்சிகள் நடைபெற உள்ளது. அஜித் நடித்து வெளிவரும் படங்களில் முதல் முறையாக அதிகக் காட்சிகள் திரையிடப்படும் படம் 'வலிமை'. இதற்கு முன்பு 'விவேகம்' படம் 450 காட்சிகளுக்கு மேல் திரையிடப்பட்டுள்ளது. ரஜினிகாந்த் நடித்து வெளிவந்த '2.0' படம் 950க்கும் மேற்பட்ட காட்சிகள் திரையிடப்பட்டதே இதுவரையிலான மிகப் பெரிய சாதனை என்கிறார்கள். மைசூருவிலும் 31 காட்சிகள் வரை இப்படம் திரையிடப்படுகிறது.

கர்நாடகாவில் 'மாஸ்டர்' படத்தின் வசூலை 'வலிமை' மிஞ்சுமா என்பது அஜித் ரசிகர்களின் எதிர்பார்ப்பாக இருக்கிறது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி