Dinamalar

இந்திய அளவில் 2021 ஓடிடி வெளியீட்டில் 2ம் இடம் பிடித்த 'ஜெய் பீம்'

கொரோனா அலை தாக்கத்திற்குப் பிறகு கடந்த இரண்டு வருடங்களாக பல படங்கள் ஓடிடியில் நேரடியாக வெளியாகி வருகின்றன. தமிழைப் பொறுத்தவரையில் கடந்த 2021ம் வருடம் ஓடிடி, டிவி, இணையதளம் என 42 படங்களும் அதற்கு முந்தைய வருடம் 2020ல் 24 படங்களும் வெளியாகி இருந்தன.

தியேட்டர்களில் வெளியாகும் படங்களின் வரவேற்பு என்பது அதன் வசூலை வைத்து கணக்கிட முடியும். ஆனால், ஓடிடியில் வெளியாகும் படங்கள் எத்தனை முறை பார்க்கப்பட்டன என்பது குறித்து அந்நிறுவனங்கள் எந்தவிதமான அதிகாரப்பூர்வ தகவலையும் வெளியிடுவதில்லை. மொத்தமாக பலத்த வரவேற்பு என்று சொல்வதுடன் முடித்துக் கொள்கிறார்கள்.

திரைப்படங்கள், ஓடிடி வெளியீடுகள் ஆகியவற்றைப் பற்றி பகுப்பாய்வு மற்றும் ஆராய்ச்சி செய்யும் தனியார் நிறுவனமான ஆர்மேக்ஸ் மீடியா என்ற நிறுவனம் 2021ல் ஓடிடியில் இந்திய அளவில் நேரடியாக வெளியான படங்களின் வரவேற்பு பற்றி டாப் 10 பட்டில் ஒன்றை வெளியிட்டுள்ளது. அதில் சூர்யா, லிஜோமோள் ஜோஸ், மணிகண்டன் நடித்த 'ஜெய் பீம்' படம் இரண்டாம் இடம் பிடித்துள்ளது. அஜித் நடித்த 'பில்லா, ஆரம்பம்,' படங்களை இயக்கிய விஷ்ணுவர்தன் இயக்கிய ஹிந்திப் படமான 'ஷெர்ஷா' முதலிடத்தைப் பிடித்துள்ளது. தனுஷ், அக்ஷய்குமார், சாரா அலிகான் நடித்த 'அத்ராங்கி ரே' 10வது இடத்தைப் பிடித்துள்ளது. மலையாளப் படமான டொவினோ தாமஸ் நடித்த 'மின்னல் முரளி' 6ம் இடத்தைப் பிடித்துள்ளது.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா