Dinamalar

கடைசி விவசாயி - தனி கவனம் செலுத்தும் விஜய் சேதுபதி

'காக்கா முட்டை, குற்றமே தண்டனை, ஆண்டவன் கட்டளை,' படங்களை இயக்கி மணிகண்டன் அடுத்து இயக்கியுள்ள படம் 'கடைசி விவசாயி'. இந்தப் படத்தில் நல்லாண்டி என்ற வயதானவர் கதையின் நாயகனாக நடித்துள்ளார். படத்தில் ஒரு முக்கிய கதாபாத்திரத்தில் விஜய் சேதுபதி மாறுபட்ட தோற்றத்தில் நடித்துள்ளார்.

விஜய் சேதுபதி நடித்து கடைசியாக வெளிவந்த லாபம், துக்ளக் தர்பார், அனபெல் சேதுபதி ஆகிய படங்கள் அவருடைய இமேஜைக் குறைக்கும் படங்களாக இருந்தன. அந்தக் குறையைப் போக்குவதற்காக விஜய் சேதுபதி தற்போது 'கடைசி விவசாயி' படத்தை வாங்கி வெளியிட உள்ளார். இப்படம் தன்னுடைய இமேஜை மீண்டும் பெற்றுத் தரும் என விஜய் சேதுபதி பெரும் நம்பிக்கையில் உள்ளாராம்.

நேற்று இப்படத்தின் புதிய டிரைலர் வெளியானது. அதில் விஜய் சேதுபதி நடிக்கும் காட்சிகள் அதிகம் இடம் பெற்றுள்ளன. இதற்கு முன்பு இப்படத்தின் முதல் டிரைலரை இரண்டு வருடங்களுக்கு முன்பு ஏற்கெனவே வெளியிட்டிருந்தார்கள். அதில் நல்லாண்டி தான் அதிக காட்சிகளில் இடம் பிடித்தார். அப்போது படத்தின் இசையமைப்பாளராக இளையராஜா இருந்தார். அதன்பின் இளையராஜாவுக்கும், மணிகண்டனுக்கும் பிணக்கு ஏற்பட்டதால் இளையராஜா படத்திலிருந்து விலகிவிட்டார்.

நேற்று வெளியான டிரைலருக்கு சந்தோஷ் நாராயணன் - ரிச்சர்ட் ஹார்வி இசையமைத்துள்ளனர். புதிய டிரைலரில் விஜய் சேதுபதி காட்சிகள்தான் அதிகம் இருக்கிறது. புதிய டிரைலர் நேற்று வெளியாகி இருந்தாலும் யு டியூபில் இன்னும் பழைய டிரைலரை நீக்காமல் தான் வைத்துள்ளனர்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா