Dinamalar

முதலிடத்தை தட்டித்தூக்கிய ரோஷினி, சிவாங்கி

சின்னத்திரையில் மக்கள் மனதை கவர்ந்த டாப் ஸ்டார்ஸ் பட்டியலில் ரோஷினியும், சிவாங்கியும் முதலிடத்தை பிடித்துள்ளனர்.

தற்போதைய காலக்கட்டத்தில் சினிமா பிரபலங்களை விட சின்னத்திரை பிரபலங்கள் தான் மக்களுக்கு மிகவும் நெருக்கமான, பிடித்தமான நபர்களாக மாறி வருகின்றனர். அதேபோல சினிமாவில் நடித்து கிடைக்கும் புகழை விடவும் சீரியலில் நடித்து இன்று மக்கள் மத்தியில் பிரபலமாவதும் புது டிரெண்டாகியுள்ளது.
இந்நிலையில் தமிழ் தொலைக்காட்சிகளில் சீரியல் மற்றும் ரியாலிட்டி ஷோக்களில் வரும் பிரபலங்களில் யார் யார் டாப் பட்டியலில் இடம் பெறுகின்றனர் என்ற ஒரு ஆய்வை சமீபத்தில் ஒரு நிறுவனம் நடத்தியுள்ளது.

சின்னத்திரை நடிகர்கள், சின்னத்திரை ஆளுமைகள் என்ற இருபிரிவுகளாக நடத்தப்பட்ட இந்த ஆய்வில் முன்னணி தொலைக்காட்சியின் பிரபலங்கள் பலர் குறித்தும் கடந்த அக்டோபர் மாதம் மக்களிடையே ஒரு சர்வே நடத்தப்பட்டது. அதன் அடிப்படையில் சின்னத்திரை நடிகர்களில் முதலிடத்தை பாரதி கண்ணம்மாவின் ரோஷினி பிடித்துள்ளார். இரண்டாவது மற்றும் மூன்றாவது இடத்தை ரோஜா சீரியலின் நாயகி ப்ரியங்கா நல்காரியும், சுப்பு சூரியனும் பிடித்துள்ளனர்.

அதே போல் சின்னத்திரை ஆளுமைகளுக்கான டாப் ஸ்டார்ஸ் பட்டியலில் முதலிடத்தை விஜய் டிவியின் செல்லப்பிள்ளை சிவாங்கி தட்டிச் சென்றுள்ளார். மீதமுள்ள டாப் 5 இடங்களையும் கூட விஜய் டிவி பிரபலங்களே பிடித்துள்ளனர். இரண்டாவது இடத்தை புகழ், மூன்றாவது இடத்தை மா கா பா ஆனந்த், நான்காவது இடத்தை ப்ரியங்கா, ஐந்தாவது இடத்தை கோபிநாத் ஆகியோர் பிடித்துள்ளனர்.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  அரச கட்டளை, என் ஜீவன் பாடுது, லியோ : ஞாயிறு திரைப்படங்கள்
• 
  ஜீ 5 ஓடிடி மற்றும் ஜீ 5 தமிழ் டிவியி ஒளிபரப்பாகும் சூரியின் மாமன்
• 
  கந்தன் கருணை, ஷாஜகான், வேட்டையன் - ஞாயிறு திரைப்படங்கள்
• 
  தனி விமானம் வாங்கினாரா சின்னத்திரை நடிகை?
• 
  வாரிசு: ஜீ தமிழில் புதிய தொடர்