Dinamalar

'மாமனிதன்' அடுத்த வாரம் சென்சார்

சீனு ராமசாமி இயக்கத்தில், இளையராஜா - யுவன்ஷங்கர் ராஜா இசையமைப்பில், விஜய் சேதுபதி, காயத்ரி மற்றும் பலர் நடிக்கும் படம் 'மாமனிதன்'. இப்படத்தின் படப்பிடிப்பு இரண்டரை வருடங்களுக்கு முன்பாக 2019ம் ஆண்டு பிப்ரவரி மாதமே முடிந்துவிட்டது. ஆனால், பல்வேறு காரணங்களால் இப்படத்தின் வெளியீடு தள்ளிக் கொண்டே போனது.

இப்படம் பற்றிய வெளியீட்டு அறிவிப்பை படத்தின் தயாரிப்பாளரான யுவன் ஷங்கர் ராஜாவும் அறிவிக்கவில்லை. ஆனாலும், படத்தின் இரண்டு பாடல்களை இதுவரை வெளியிட்டுள்ளார்கள். அந்தப் பாடல்களுக்கு ரசிகர்களிடம் வரவேற்பு கிடைத்தது.

இந்நிலையில் படம் பற்றிய அப்டேட் ஒன்றை படத்தின் இயக்குனர் சீனு ராமசாமி நேற்று வெளியிட்டுள்ளார். டுவிட்டரில், “37 நாள் படப்பிடிப்பில் உருவான மாமனிதன் திரைப்படம். எடிட்டர் ஸ்ரீகர்பிரசாத் அவர்களும் நானும் படத்தை எடிட்டிங் செய்து இனிதே மற்றப் பணிகளும் நிறைவடைந்து திரை தொடக் காத்திருக்கிறது. அடுத்த வாரம் சென்சார் போகிறது,” எனக் குறிப்பிட்டுள்ளார்.

இருந்தாலும் சீனுராமசாமி இயக்கத்தில் யுவன்ஷங்கர் ராஜா இசையமைப்பில், விஜய் சேதுபதி, விஷ்ணு விஷால், நந்திதா ஸ்வேதா, ஐஸ்வர்யா ராஜேஷ் மற்றும் படல் நடித்த 'இடம் பொருள் ஏவல்' படம் முடிந்வடைந்து ஆறு வருடங்களுக்கு மேலாகியும் இன்னும் வெளிவராமலே உள்ளது. ஓடிடியிலாவது இப்படம் வெளிவருமா என விஜய் சேதுபதி ரசிகர்கள் ஆவலுடன் காத்திருக்கின்றனர். ஆனால், படத்தைத் தயாரித்த இயக்குனர் லிங்குசாமி இப்படம் பற்றி இதுவரையிலும் எதுவுமே சொன்னதில்லை.

• 
  கும்பமேளாவில் துறவறம் பூண்டார் நடிகை மம்தா குல்கர்னி
• 
  கும்பமேளாவில் பாசி மணி ஊசி விற்றவர் : சினிமா நடிகை ஆகிறார் மோனலிசா
• 
  15 ஆயிரம் கோடி குடும்ப சொத்தை இழக்கிறார் சைப் அலிகான்
• 
  எப்போதுமே டிவி சீரியல்களில் நடிக்க மாட்டேன்: நடிகை சுமன் ராணா ...
• 
  உயிரை காத்த ஆட்டோ ஓட்டுநரை சந்தித்து கவுரவித்த சைப் அலிகான்

• 
  நமது தேசத்திற்கு எனது பங்களிப்பு அங்கீகரிக்கப்பட்டுள்ளதை பாக்கியமாகக் ...
• 
  நடிகர் அஜித், நடிகை ஷோபனாவிற்கு பத்ம பூஷன் விருது
• 
  இயக்குனரைக் கவர்ந்த ராஷ்மிகாவின் கண்கள்
• 
  ஓராண்டிற்கு பின் இந்து தமிழ் முறைப்படி இரண்டாவது முறை திருமணம் செய்த ...
• 
  வீடு வாடகை பிரச்னை ; கலைமாமணி பட்டத்தை காணவில்லை : கதறும் கஞ்சா கருப்பு