Dinamalar

ப்ளாஷ்பேக்: எல்.ஐ.சி ஏஜெண்ட் டூ பிரபல நடிகை! கம்பம் மீனாவின் கதை

பாண்டியன் ஸ்டோர்ஸ் சீரியலில் கஸ்தூரி கதாபாத்திரத்தில் வில்லியாக நடித்து வருபவர் கம்பம் மீனா. வெள்ளித்திரையிலும் சின்னத்திரையிலும் பிரபலமான துணை நடிகையாக இன்று வலம் வந்து கொண்டிருக்கிறார். அந்த கிராமத்து பெண்ணின் சாதனை பின்னணி என்ன?

நாச்சிமுத்து மீனா என்ற இயற்பெயர் கொண்ட மீனாவுக்கு பத்தாம் வகுப்பு படிக்கும் போதே திருமணம் ஆகிவிட்டது. அதன்பின் அடுத்தடுத்து இரண்டு குழந்தைகள். குடும்ப வறுமை காரணமாக எல்.ஐ.சி ஏஜெண்டாக பணி செய்ய ஆரம்பித்தார். தைரியமான பெண்ணாக வலம் வந்த அவர், அப்போதே சுற்று வட்டாரங்களில் பிரபலமான பெண்ணாக இருந்தார்.

இதற்கிடையில் இயக்குநர் பாரதிராஜா 'தெற்கத்திபொண்ணு' என்கிற சீரியலை தேனி மாவட்டத்தில் இயக்கி வந்தார். அப்போது மீனாவை சந்தித்த இயக்குநர் அவரை முதன் முதலாக அந்த சீரியலில் நடிக்க வைத்தார். கிராமத்து வட்டார மொழியில் பேசி நடிப்பில் கலக்கிய மீனாவுக்கு சின்னத்திரை ஒரு நல்ல தொடக்கத்தை கொடுத்தது. தொடர்ந்து போராடிய மீனா தனது திறமையால் வெள்ளித்திரையிலும் தடம் பதித்தார்.

இன்று கம்பம் மீனா என்று திரையுலகினராலும் ரசிகர்களாலும் அறியப்படும் நாச்சிமுத்து மீனா இதுவரை தமிழில் 75 படங்களுக்கு மேல் நடித்துள்ளார். தற்போது பாண்டியன் ஸ்டோர்ஸ் சீரியலின் மூலம் நடுத்தர மக்களின் மனங்களுக்குள்ளும் நுழைந்துவிட்டார். பத்தாம் வகுப்பில் தந்தையை இழந்து இன்று விடாமுயற்சியுடன் வெற்றியை நோக்கி ஓடிக்கொண்டிருக்கும் கம்பம் மீனாவின் வாழ்க்கை பலருக்கும் இன்ஸ்பிரேஷனாக அமைந்துள்ளது.

• 
  என் மகளை கேலி செய்வதா? நடிகர் அபிஷேக் பச்சன் ஆவேசம்
• 
  அக்சய்குமார் படத்தை கைப்பற்றிய ஓடிடி நிறுவனம்
• 
  சபாஷ் மிது எப்போது ரிலீஸ்
• 
  முத்தம் தரும் படத்தால் சிக்கலில் சிக்கிய ஹிந்தி நடிகை
• 
  மேடே, ரன்வே 34 ஆனது : ஏப்ரல் 29ல் ரிலீஸ்

• 
  வீஜே மணிமேகலையின் ஒரு நாள் சம்பளம் எவ்வளவு தெரியுமா?
• 
  பாண்டியன் ஸ்டோர்ஸ் தனத்தின் லேட்டஸ்ட் புகைப்படங்கள்!
• 
  அன்னை, சூர்யவம்சம், வேதாளம் - ஞாயிறு திரைப்படங்கள்
• 
  விநோதய சித்தம் நாளை டிவியில் ஒளிபரப்பு
• 
  'ஆமா நாங்க காதலிக்கிறோம்' - சின்னத்திரையில் மலர்ந்த மற்றொரு காதல்