Dinamalar

சீன வீரனின் காதலியாக கீர்த்தி சுரேஷ்

இயக்குனர் பிரியதர்ஷன்-மோகன்லால் கூட்டணியில் உருவாக இருக்கும் வரலாற்றுப்படம் தான் மரைக்கார் ; அரபிக்கடலிண்டே சிம்ஹம். கேரளாவில் 16ஆம் நூற்றாண்டில் வாழ்ந்த குஞ்சாலி மரைக்கார் என்கிற கடற்படை தலைவன் பற்றிய கதை இது.

குஞ்சாலி மரைக்கார் ஆக மோகன்லால் நடிக்க, பிரபு, அர்ஜுன், சுனில் ஷெட்டி, பிரணவ் மோகன்லால் என முக்கிய தலைகள் இந்தப்படத்தில் இடம்பெறுகின்றனர். ஏற்கனவே மஞ்சு வாரியர், கல்யாணி பிரியதர்ஷன் ஆகியோர் கதாநாயகிகளாக தேர்வு செய்யப்பட்டள்ள நிலையில் கீர்த்தி சுரேஷும் இந்தப்படத்தில் நடிக்கிறார் என சொல்லப்பட்டு வருகிறது.

இத்தனைக்கும் மோகன்லாலுக்கு ஜோடியாக மஞ்சு வாரியரும், அவரது மகன் பிரணவுக்கு ஜோடியாக கல்யாணியும் நடிக்கிறார்கள் என்றால் கீர்த்தி சுரேஷ் யாருக்கு ஜோடியாக நடிக்கிறார் என்கிற தகவலும் இப்போது வெளியாகியுள்ளது.

மரைக்காரின் படையில் அவரது வலது கையாக நம்பிக்கையான சேனாதிபதியாக சீன வீரன் சியாங் ஜுவான் என்பவன் பணியாற்றினானாம். அவனது காதலி கேரக்டரில் தான் கீர்த்தி சுரேஷ் நடிக்க உள்ளாராம். ஆனால் அந்த சீன வீரனாக நடிக்கும் நடிகர் யார் என்பது இன்னும் முடிவாகவில்லையாம்.

• இவரை பற்றி
• செய்திகள்
• ஆல்பம்