Dinamalar

திரிவிக்ரம் ஸ்ரீநிவாஸ் இயக்கத்தில் அகில்

பிரபல நடிகர் நாகார்ஜுனா மற்றும் அமலாவின் மகன் அகில் நாயகனாக அறிமுகமான அகில் : தி பவர் ஆப் ஜுவா எனும் திரைப்படம் தீபாவளிக்கு திரைக்கு வந்தது. பெரிதும் எதிர்பார்க்கப்பட்ட இப்படம் தோல்வியைத் தழுவியது. இருப்பினும் அகில் தனது நடிப்பிலும் நடனத்திலும் ரசிகர்களைக் கவர தவறவில்லை. அகிலின் அறிமுக படத்தின் தோல்வி காரணமாக அவரது அடுத்த படத்தில் நாகார்ஜுனா அதிக அக்கறை எடுத்துக் கொண்டுள்ளார். கஞ்சே எனும் வெற்றிப் படம் கொடுத்த இயக்குனர் கிரிஷ் இயக்கத்தில் அகில் அடுத்ததாக நடிக்கவுள்ளதாகக் கூறப்பட்டது. ஆனால் தற்போது இயக்குனர் திரிவிக்ரம் ஸ்ரீநிவாஸ் அகிலின் அடுத்த படத்தை இயக்கக் கூடும் என தகவல்கள் வெளிவந்துள்ளன. யார் இயக்குனராக இருந்தாலும் இப்படத்தை டிவிவி தனய்யா தான் தயாரிக்கவிருக்கிறார். நிதின்,சமந்தா ஜோடி சேர்ந்திருக்கும் அ..ஆ எனும் படத்தை இயக்கி வரும் திரிவிக்ரம் ஸ்ரீநிவாஸ் அப்படத்தை முடித்த பின்னர் தயாரிப்பாளர் டிவிவி தனய்யா தயாரிக்கும் படத்தை இயக்க ஒப்பந்தமாகியுள்ளாராம். எனவே டிவிவி தனய்யா - திரிவிக்ரம் - அகில் கூட்டணி அமைய அதிக வாய்ப்பு உள்ளதாக கூறப்படுகின்றது.

• செய்திகள்
• ஆல்பம்