Dinamalar

திறப்பு விழாவிற்கு வந்து ரிப்பனை வெட்டாமல் குனிந்து செல்ல முயன்ற நடிகர்

மலையாள திரையுலகில் பிரபல சீனியர் நடிகரான சீனிவாசனின் மகனும், இளம் இயக்குனரும், நடிகருமான வினீத் சீனிவாசனின் தம்பியுமான தியான் சீனிவாசன் தானும் ஒரு நடிகராக வலம் வருகிறார். அதுமட்டுமல்ல சில வருடங்களுக்கு முன்பு நயன்தாரா, நிவின்பாலி நடித்த லவ் ஆக்ஷன் டிராமா என்கிற வெற்றி படத்தையும் இயக்கியவர். தொடர்ந்து படங்களில் நகைச்சுவை மிக்க கதாபாத்திரங்களில் கதாநாயகனாக மற்றும் முக்கிய வேடங்களில் நடித்து வரும் இவர் நிஜத்திலும் தான் கலந்து கொள்ளும் நிகழ்ச்சிகளில் ஏதாவது நகைச்சுவை கலாட்டாக்கள் பண்ணக்கூடியவர்.

அப்படி சமீபத்தில் கொச்சியில் உள்ள ஒரு கடை திறப்பு விழா ஒன்றில் கலந்து கொண்டு கடையை திறந்து வைக்க அழைக்கப்பட்டிருந்தார் தியான் சீனிவாசன். இவர் ரிப்பன் வெட்டுவதை படம் எடுப்பதற்காக அங்கே நுழைவாயிலில் கட்டப்பட்டிருந்த ரிப்பனுக்கு அடியில் குனிந்தபடி சில போட்டோகிராபர்கள் முன்கூட்டி உள்ளே நுழைந்தனர்.

அவர்கள் நுழைவதை பார்த்து இவரும் ரிப்பனுக்கு அடியில் குனிந்து செல்ல முயற்சித்தார். உடனே அருகில் இருந்த நபர் அவரை தடுத்து நிறுத்தி, சார் நீங்கள் தான் ரிப்பனை வெட்ட வேண்டும். நீங்கள் எங்கே குனிந்து செல்கிறீர்கள் ? என்று கேட்க, ஓ அப்படியா என்று சிரித்தபடி அதன் பிறகு ரிப்பனை வெட்டினார் சீனிவாசன். இது குறித்த வீடியோ ஒன்று தற்போது சோசியல் மீடியாவில் வைரலாகி உள்ளது.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  ஆறு வருடமாக பாலியல் டார்ச்சர் செய்த துணை நடிகை மீது போலீஸில் நடிகர் ...
• 
  பிரியதர்ஷனின் ‛ஹைவான்' ஹிந்தி படத்தில் சிறப்பு தோற்றத்தில் மோகன்லால்
• 
  ஜப்பானில் வெளியாகும் மலைக்கோட்டை வாலிபன் : ரிலீஸ் தேதி அறிவிப்பு
• 
  தேசிய விருதுக்கு படம் அனுப்புவதில் ஏற்பட்ட சிக்கல் : நீதிமன்றத்தை நாடிய ...
• 
  மம்முட்டிக்கு பிரித்விராஜ் சிபாரிசு, விநாயகனுக்கு மம்முட்டி சிபாரிசு : ...