Dinamalar

அல்லு அர்ஜுன் மீதான புகாரை திரும்ப பெற பாதிக்கப்பட்ட பெண்ணின் கணவர் முயற்சி ; போலீசார் மறுப்பு

கடந்த சில தினங்களுக்கு முன்பு நடிகர் அல்லு அர்ஜுன் நடிப்பில் சுகுமார் இயக்கத்தில் மிகவும் எதிர்பார்க்கப்பட்ட புஷ்பா 2 திரைப்படம் வெளியானது. இந்த படத்தின் முதல் நாள் முதல் காட்சி ஹைதராபாத்தில் உள்ள சந்தியா திரையரங்கில் அதிகாலையில் திரையிடப்பட்ட போது, அங்கே பாஸ்கர் என்பவரும் அவரது மனைவி ரேவதி மற்றும் மகன் ஸ்ரீதேஜ், மகள் என நால்வரும் படம் பார்க்க வந்திருந்தனர். அந்த கூட்ட நெரிசலில் தியேட்டருக்குள் செல்வதற்காக அவர்கள் காத்திருந்த வேளையில் அப்போது அந்த திரையரங்கிற்கு நடிகர் அல்லு அர்ஜுன் தனது படக்குழுவினருடன் படம் பார்க்க வந்துள்ளார். அவரைப் பார்ப்பதற்காக ரசிகர்கள் கூட்டம் முண்டியடித்த நிலையில் அப்போது ஏற்பட்ட தள்ளுமுள்ளுவில் சிக்கி நெரிசலில் பலியானார் ரேவதி. மகன் ஸ்ரீதேஜ் மிகுந்த காயங்களுடன் மருத்துவமனையில் சிகிச்சை பெற்று வருகிறார். என்றாலும் நிலைமை கவலைக்கிடமாகவே இருக்கிறது.

இறந்துபோன பெண்ணின் கணவர் பாஸ்கரிடமிருந்து புகார் பெற்று தான் இந்த வழக்கு பதிவு செய்யப்பட்டு விசாரணை நடைபெற்று வருகிறது. அல்லு அர்ஜுன் இது தொடர்பாக கைது செய்யப்பட்டு தற்போது ஜாமினில் வெளிவந்துள்ளார். அதே சமயம் அல்லு அர்ஜுன் தரப்பில் இருந்து பாதிக்கப்பட்டவரின் குடும்பத்திற்கு இரண்டு கோடி ரூபாய் நிதி உதவி வழங்கப்பட்டுள்ளது. மேலும் தேவையான உதவிகளை செய்வதாகவும் வாக்குறுதி கொடுக்கப்பட்டுள்ளது. இதனை தொடர்ந்து இறந்து போன பெண்ணின் கணவரான பாஸ்கர், அல்லு அர்ஜுன் மீதான தனது புகாரை வாபஸ் பெறுவதற்கு முயற்சி செய்து வருகிறார்.

ஆனால் காவல்துறை அதற்கு தீர்க்கமாக மறுத்துவிட்டது. காரணம், நடந்துள்ள சம்பவத்தின் தன்மை அப்படி என்றும், புகாரை வாபஸ் பெற செய்ய முடியாது இருக்கிறது என்றும், சிறு காயங்கள் உள்ளிட்ட சம்பவம் என்றால் மட்டுமே புகாரை வாபஸ் பெற முடியும் இதில் ஒரு உயிர் பலி மற்றும் ஒரு சிறுவனின் உயிர் போகும் அளவிற்கான காயம் ஆகியவை இடம் பெற்று இருப்பதால் புகாரை வாபஸ் பெற இயலாது என மறுத்து விட்டனர். மேலும் அல்லு அர்ஜுன் மீது சார்ஜ் ஷீட் பதிவு செய்யப்பட்டுள்ள நிலையில் சட்ட அமலாக்கம் தனது வேலையை செய்யும் என்றும் கூறியுள்ளனர்.

• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...
• 
  தீபிகாவுக்கு ஆதரவாகப் பேசினாரா அஜய் தேவ்கன்?
• 
  அயோத்தியில் நான்காவது 'மனை' வாங்கிய அமிதாப்பச்சன்

• 
  கண்ணப்பா ஹார்ட் டிஸ்க் களவு போனதன் பின்னணியில் சகோதரர் : விஷ்ணு மஞ்சு ...
• 
  சமந்தாவின் சுபம் படம் ஜுன் 13ல் ஓடிடியில் வெளியாகிறது
• 
  திருமலைக்குமாரசாமி கோவிலில் மோகன்லால் தங்க வேல் செலுத்தி தரிசனம்
• 
  கண்ணப்பா சம்பள விஷயத்தில் விஷ்ணு மஞ்சுவை மிரட்டிய மோகன்லால், பிரபாஸ்
• 
  முக்கிய காட்சிகள் கட், பாம்புடன் வந்த ரசிகர் : கலீஜா ரீ ரிலீஸ் கலாட்டா