விஜய்க்காக ஆப்ரஹாம் பட சிறப்பு காட்சியை ஏற்பாடு செய்த ஜெயராம்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

15 ஜன, 2024 - 06:00 IST

எழுத்தின் அளவு:

Jayaram-organized-a-special-screening-of-Abraham-for-Vijay

நடிகர் ஜெயராம் சமீபகாலமாக மலையாள படங்களில் கதாநாயகனாக நடிப்பதை ஒதுக்கி வைத்துவிட்டு தமிழ், தெலுங்கு படங்களில் குணச்சித்ர கதாபாத்திரங்களில், முக்கிய வேடங்களில் நடித்து வருகிறார். இந்த நிலையில் நீண்ட இடைவெளிக்கு பிறகு ஆப்ரஹாம் ஓஸ்லர் என்கிற படத்தில் கதாநாயகனாக நடித்துள்ளார் ஜெயராம். முக்கிய வேடத்தில் மம்முட்டி நடித்துள்ள இந்த படம் கடந்த இரண்டு நாட்களுக்கு முன்பு வெளியானது. இந்த நிலையில் தற்போது இந்த படத்தின் சிறப்புக்காட்சியை நடிகர் விஜய்க்கு திரையிட்டு காட்டி உள்ளார் ஜெயராம்.

தற்போது வெங்கட் பிரபுவின் இயக்கத்தில் விஜய் தனது 68வது படத்தில் நடித்து வருகிறார். ஏற்கனவே வெங்கட் பிரபுவின் சரோஜா, விஜய்யின் துப்பாக்கி ஆகிய படங்களில் இணைந்து பணியாற்றியுள்ள ஜெயராம் ஒரு நீண்ட இடைவெளிக்கு பிறகு இந்த படத்தில் இவர்களுடன் இணைந்துள்ளார். இந்த நிலையில் படப்பிடிப்பின் போது தன்னுடைய ஆப்ரஹாம் படம் ரிலீஸ் ஆகிவிட்டதாக விஜய்யிடம் ஜெயராம் கூற உடனடியாக அந்த படத்தை பார்க்க வேண்டும் என தனது விருப்பத்தை தெரிவித்துள்ளார் விஜய்.

குறிப்பாக இந்த படத்தில் மம்முட்டி நடித்துள்ளதால் அவரைப் பார்ப்பதற்கு மிகவும் ஆவலாக இருந்தாராம் விஜய். இதனையடுத்து விஜய்க்கு தனியாக ஒரு சிறப்பு காட்சியை திரையிட்டு காட்டியுள்ள ஜெயராம், இதுகுறித்த தகவலை சமீபத்திய ஆப்ரஹாம் புரமோஷன் நிகழ்ச்சி ஒன்றில் தெரிவித்துள்ளார்.

Actorvijay

Jayaram

கருத்துகள் (0) கருத்தைப் பதிவு செய்ய

100 கோடி வசூல் கிளப்பில் இணைந்த ...

ஆடுஜீவிதம் இயக்குனருடன் நான்காவது ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய