Dinamalar

100 மில்லியன்களை தொட்ட பிரித்விராஜின் பாலாப்பள்ளி பாடல்

மலையாளத்தில் கடந்த வருடம் ஷாஜி கைலாஷ் டைரக்சனில் பிரித்விராஜ் நடிப்பில் வெளியான படம் கடுவா. பாலிவுட் நடிகர் விவேக் ஓபராய் வில்லனாக நடித்திருந்தார். இந்த படம் நிஜத்தில் வாழ்ந்த கடுவாக்குன்னல் குருவச்சன் என்பவரின் வாழ்க்கையை மையப்படுத்தி உருவாகி இருந்தது. படம் முழுவதுமே பிரித்விராஜ் மற்றும் விவேக் ஓவராய் இருவருக்குமான ஈகோ யுத்தமாகவே உருவாக்கப்பட்டிருந்தது.

ஆக்சன் படமாக உருவாகியிருந்தாலும் இந்த படத்தின் ஆரம்பத்தில் இடம்பெற்ற டைட்டில் பாடலான பாலாப்பள்ளி என்கிற பாடல் படம் வெளியாவதற்கு முன்பே மிகப்பெரிய அளவில் வரவேற்பை பெற்றது. பாடல் வெளியாகி சரியாக ஒரு வருடம் ஆன நிலையில் தற்போது யூட்யூப்பில் 100 மில்லியன் பார்வையாளர்களால் பார்க்கப்பட்டு புதிய பெருமையை பெற்றுள்ளது.

இந்த பாடலுக்கு ஜேக்ஸ் பிஜாய் இசையமைத்திருந்தார். நாட்டுப்புற பாடல் பாணியில் உருவாகி இருந்த இந்த பாடலை அதுல் நருகரா என்பவர் பாடியிருந்தார். பாடல் வரிகளை சந்தோஷ் வர்மா, ஸ்ரீஹரி தரயில் ஆகியோர் எழுதியிருந்தனர்.

கடந்த வருடத்தில் வினீத் சீனிவாசன் இயக்கத்தில் பிரணவ் மோகன்லால் நடிப்பில் அறிமுக இசையமைப்பாளர் ஹேசம் அப்துல் வகாப் இசையில் வெளியான ஹிருதயம் படத்தில் இடம்பெற்ற தர்ஷனா என்கிற பாடலும் 100 மில்லியன் பார்வையாளர்களால் பார்க்கப்பட்டு சாதனை படைத்த இன்னொரு பாடல் என்பது குறிப்பிடத்தக்கது.

• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...
• 
  சாய் பல்லவியின் ‛ஏக் தீன்' ஹிந்தி படம் டீசருடன் ரிலீஸ் தேதி அறிவிப்பு

• 
  'சர்வம் மாயா' இயக்குனரின் அடுத்த படத்திலும் இணையும் நிவின்பாலி
• 
  மோகன்லால் படத்தை இயக்கும் பஹத் பாசிலின் ஆஸ்தான இயக்குனர்
• 
  ஓடிடியில் ஹிந்தியில் மட்டுமே வெளியான 'பாகுபலி தி எபிக்'
• 
  பிரித்விராஜூக்கு வில்லனாக மலையாளத்தில் நுழைந்த கத்தி பட வில்லன்
• 
  நிவின்பாலிக்கு எதிராக பொய் வழக்கு தொடர்ந்தவருக்கு நீதிபதி கண்டனம்