கப்பேலா ரீமேக் தடையை நீக்கிய நீதிமன்றம்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

கப்பேலா ரீமேக் தடையை நீக்கிய நீதிமன்றம்

08 நவ, 2021 - 07:41 IST

எழுத்தின் அளவு:

மலையாளத்தில் கடந்த 2019ல் சிறிய பட்ஜெட்டில் வெளியாகி ரசிகர்களிடம் வரவேற்பை பெற்ற படம் 'கப்பேலா' இந்தப்படத்தின் தெலுங்கு ரீமேக்கில் கதாநாயகியாக பேபி அனிகா அறிமுகமாகிறார் என்றும் இந்தப்படத்திற்கு புட்டபொம்மா என டைட்டில் வைத்திருப்பதாகவும் சில மாதங்களுக்கு முன் தகவல் வெளியானது. அதேசமயம் இந்தப்படத்தின் ரீமேக் உரிமை தொடர்பாக எர்ணாகுளம் நீதிமன்றம் தற்காலிக தடை வித்திருந்ததால் இந்தப்படத்தை ரீமேக் செய்வதில் சிக்கல் நிலவியது.

இந்தப்படத்தை இயக்கிய இயக்குனர் முஹமது முஸ்தாபாவுடன் இணைந்து பணியாற்றியதுடன் இந்தப்படத்தின் கதை உருவாக்கத்திலும் அவருடன் இணைந்து ஈடுபட்டவர் உதவி இயக்குனர் சுதாஸ். இவர் ரஜினிகாந்தின் தர்பார் படத்தின் கதையிலும் ஏ.ஆர்முருகதாஸுடன் சேர்ந்து பணியாற்றியவர். இவர் கப்பேலா படத்தின் ரீமேக் உரிமையில் தனக்கும் பங்கு இருக்கிறது என கூறி, தனது அனுமதி இல்லாமல் இதன் ரீமேக் உரிமையை விற்றது செல்லாது என தடைகோரி எர்ணாகுளம் நீதிமன்றத்தில் வழக்கு தொடர்ந்தார்.

இதற்காக தனக்கு கோ-ரைட்டர் என்கிற முறையில் சம்பளம் தரப்பட்டது உள்ளிட்ட ஆதாரங்களையும் அவர் முன் வைத்தார். அதனால் நீதிமன்றம் இந்தப்படத்திற்கு தற்காலிக தடை விதித்திருந்தது. அதேசமயம் படத்தின் இயக்குனர் முஹமது முஸ்தாபா தன்னிடம் இருந்த சில முக்கியமான ஆதாரங்களை நீதிமன்றத்தில் சமர்ப்பித்துள்ளார். இதையடுத்து இந்த வழக்கை விசாரித்த நீதிமன்றம் படத்தின் ரீமேக் உரிமை மீது விதித்திருந்த தடையை தற்போது நீக்கியுள்ளது.

Kappela

கருத்துகள் (0) கருத்தைப் பதிவு செய்ய

மோகன்லாலின் 5 படங்களும் ஓடிடி ரிலீஸ் ...

ஒரிஜினலை விட எனக்கு முக்கியத்துவம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய