Dinamalar

மீண்டும் தொடங்கியது லால் சிங் சட்டா படப்பிடிப்பு : விஜய் சேதுபதிக்கு பதிலாக நாகசைதன்யா நடிக்கிறார்

1994ம் ஆண்டு வெளியான ஹாலிவுட் படம் பாரஸ்ட் கம்ப். உலகம் முழுக்க பிரபலமான இந்த படம் பல விருதுகளை அள்ளியதோடு வசூலிலும் சாதனை படைத்தது. உலகின் சிறந்த 10 படங்களின் வரிசையிலும் இடம் பெற்றது.

இந்த படம் லால் சிங் சட்டா என்ற பெயரில் ஹிந்தியில் ரீமேக் ஆகிறது. இதில் ஆமீர்கான் நடிக்கிறார். அவரே தயாரிக்கவும் செய்கிறார். 70 சதவிகித படப்பிடிப்புகள் முடிந்த நிலையில் கொரோனா நெருக்கடியால் படப்பிடிப்பு பாதிக்கப்பட்டது.

இந்த படத்தில் இரண்டாவது உலகப்போர் காட்சிகள் இடம் பெறுகிறது. அந்த காட்சிகளில் லால் சிங் சட்டாவின் நண்பனாக சக போர் வீரனாக நடிக்க முதலில் விஜய் சேதுபதி ஒப்பந்தம் செய்யப்பட்டார். காட்சிகளை சுவிட்சர்லாந்து நாட்டில் படமாக்க திட்டமிட்டிருந்தார்கள். ஆனால் அது முடியாமல் போகவே தற்போது லடாக் பகுதியில் படமாக்குகிறார்கள். குறிப்பிட்ட காலத்தில் படப்பிடிப்பு நடக்காததால் விஜய் சேதுபதி உரிய தேதிகள் இல்லாமல் படத்திலிருந்து விலகி விட்டார்.

தற்போது மீண்டும் படப்பிடிப்பு தொடங்கி உள்ள நிலையில் விஜய் சேதுபதி நடித்திருக்க வேண்டிய கேரக்டரில் தெலுங்கு நடிகர் நாக சைதன்யா நடிக்கிறார். படப்பிடிப்பில் எடுக்கப்பட்ட புகைப்படம் ஒன்றை நாக சைதன்யா தனது சமூக வலைதளப் பக்கத்தில் பகிர்ந்துள்ளார். இதில் நாக சைதன்யாவும், ஆமீர் கானும் இந்திய ராணுவ வீரர்கள் சீருடையில் இருக்கின்றனர். படப்பிடிப்புகள் மும்முரமாக நடந்து வருகிறது.

• 
  பாட்டு பாடி, பழைய நினைவுகளை பகிர்ந்து பாரதிராஜாவை தேற்றிய கங்கை அமரன்
• 
  பெண் குழந்தைக்கு தந்தையான ரெடின் கிங்ஸ்லி
• 
  துருவ நட்சத்திரம் : காத்திருக்கும் விக்ரம்
• 
  25 வயதில் மகன் இருக்கையில் தந்தையாக நடிக்க தயங்கும் ஹீரோக்கள் : சசிகுமார் ...
• 
  அருண் விஜய் படத்திற்கு பாடல் பாடிய தனுஷ்

• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!
• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...