Dinamalar

கங்கனா பதிவுகளை நீக்கிய டுவிட்டர்

பாலிவுட் நடிகை கங்கனா ரணவத் தனது டுவிட்டரில் நாட்டு நடப்புகள் பற்றிய தனது கருத்தை துணிச்சலுடன் வெளியிடுவார். இதற்காக அவர் பல மிரட்டல்கள், வீடு இடிக்கப்பட்டது போன்ற பாதிப்புகளை சந்தித்தபோதும் தனது கருத்தை துணிச்சலாக கூறி வருகிறார்.

டில்லியில் நடந்து வரும் விவசாயிகளின் போராட்டத்தை தொடக்கம் முதலே கடுமையாக விமர்சித்து வருகிறார். இந்நிலையில் அமெரிக்காவைச் சேர்ந்த பிரபல பாப் பாடகி ரிஹானா, தனது டுவிட்டர் பக்கத்தில் விவசாயிகள் போராட்டத்திற்கு ஆதரவு தெரிவிக்கும் வகையில் பதிவு ஒன்றை வெளியிட்டு இருந்தார்.

ரிஹானா டுவீட்டுக்கு பதில் தெரிவித்து கங்கனா ரணாவத் தனது டுவிட்டரில் பதிவு ஒன்றை வெளியிட்டார். அதில், “ அவர்கள் பற்றி யாரும் பேசவில்லை, ஏனெனில், அவர்கள் விவசாயிகள் அல்ல. இந்தியாவை பிளவுபடுத்த முயற்சிக்கும் பயங்கரவாதிகள். அமெரிக்காவை போல பிளவுபட்ட தேசத்தை சீனா தனது காலனி ஆதிக்கத்திற்குள் கொண்டு வர முயற்சிக்கும். பொறுமையாக இருங்கள் முட்டாளே, உங்களை போல நாங்கள் எங்கள் நாட்டை விற்க மாட்டோம்" என்று பதிவிட்டிருந்தார்.

இந்த கருத்துக்கள் சர்ச்சையை ஏற்படுத்திய நிலையில், விவசாயிகள் போராட்டம் தொடர்பாக, கங்கனா வெளியிட்டிருந்த பதிவுகளை, டுவிட்டர் நிறுவனம் நீக்கி உள்ளது. கங்கனா டுவிட்டர் நிறுவன விதிகளை மீறியுள்ளதால் இந்த நடவடிக்கை எடுக்கப்பட்டுள்ளதாக டுவிட்டர் நிறுவனம் விளக்கம் அளித்துள்ளது.

கங்கனாவின் பதிவுகள் நீக்கப்படுவதும், அவரது டுவிட்டர் கணக்கு முடக்கப்படுவதும் அடிக்கடி நடந்து வருகிற ஒன்று.

• 
  20 வயது நடிகருடன் காதலா... : கீர்த்தி சுரேஷ் பதில்
• 
  'இந்தியன் 3' படத்திற்காக மீண்டும் படப்பிடிப்பு
• 
  அஜித்துடன் மோதும் சிவகார்த்திகேயன்?
• 
  'தி கோட்' - தன் வேலையை ஆரம்பித்த மந்திரவாதி
• 
  விஷாலுக்கு தயாரிப்பாளர்கள் சங்கம் போட்ட கடிவாளம்

• 
  25 கோடியுடன் முடிவுக்கு வரும் 'சர்பிரா'!!!
• 
  ஷாரூக்கானுக்கு பிரத்யேக தங்க நாணயம் வெளியிட்ட பாரீஸ் மியுசியம்
• 
  பிலிப்பைன்ஸ் நாட்டில் ஹனிமூன் கொண்டாடிய சோனாக்ஷி சின்ஹா
• 
  டாக்சிக் படத்தில் இணைந்த மற்றொரு பாலிவுட் நடிகை
• 
  ஹிந்தியில் ரூ.300 கோடி வசூலைக் கடக்குமா 'கல்கி 2898 ஏடி'?