Dinamalar

ப்ரீத்தி ஜிந்தாவின் உறவினர் சிம்லாவில் தற்கொலை

பாலிவுட்டின் முன்னணி ஹீரோயினாக வலம் வந்தவர் ப்ரீத்தி ஜிந்தா. இவருக்கு சமீபத்தில் திருமணம் நடந்தது. அதன் பிறகு சினிமாவில் இருந்து விலகி வாழ்ந்து வருகிறார். இவரது உறவினரான நிதின் சவுகான், சிம்லாவின் நேற்று காலை தற்கொலை செய்து கொண்டுள்ளார்.

நிதின் சவுகன், சிம்லாவில் தனது காரில், தன்னை தானே துப்பாக்கியால் சுட்டு தற்கொலை செய்து கொண்டுள்ளார். தனது தற்கொலைக்கு தனது மனைவி மற்றும் அவரது குடும்பத்தினர்கள் தான் காரணம் என நிதின், தனது தற்கொலை கடிதத்தில் குறிப்பிட்டுள்ளார். நிதினும் அவரது மனைவியும் 2 ஆண்டுகளாக பிரிந்து வாழ்ந்து வருகின்றனர். இவர்களது விவாகரத்து வழக்கு கோர்ட்டில் நிலுவையில் இருந்து வருகிறது. இந்த வழக்கு தொடர்பான விசாரணை நேற்று நடந்துள்ளதாக கூறப்படுகிறது.

போலீசார் தரப்பில் இதுகுறித்து கூறுகையில், தன் மீது பொய் வழக்குகள் போடப்பட்டுள்ளதாகவும், தனது மனைவி சந்திக்க தன்னை அனுமதிப்பதில்லை எனவும் நிதின், தனது மனைவி மற்றும் மனைவியின் குடும்பத்தினர் மீதும் குற்றம்சாட்டி உள்ளார். நிதின் தனது தலையில் சுட்டுக் கொண்டு தற்கொலை செய்துள்ளார் என்கின்றனர். நிதின் எழுதி வைத்த 2 தற்கொலை கடிதங்களை போலீசார் கைப்பற்றி உள்ளனர். ஒவ்று அவரது காரில் இருந்தும், மற்றொன்று அவரது வீட்டில் இருந்தும் எடுக்கப்பட்டுள்ளது. நிதின் எழுதி வைத்துள்ள தற்கொலை கடிதத்தின் அடிப்படையில், அவரை தற்கொலைக்கு தூண்டியதாக நிதினின் மனைவி மற்றும் அவரது குடும்பத்தினர்கள் மீது வழக்கு பதிவு செய்யப்பட்டுள்ளது. மேலும் இது தொடர்பாக போலீசார் விசாரித்து வருகின்றனர்.

• 
  ரத்து செய்யப்பட்ட இசை நிகழ்ச்சியை மீண்டும் நடத்தும் அனிருத்
• 
  பிளாஷ்பேக்: வில்லனை ஆதரித்த கமல்
• 
  பிறந்தநாளில் ரசிகர்கள் ஆசையை நிறைவேற்றிய தனுஷ்
• 
  பிளாஷ்பேக்: டைட்டிலில் பெயர் போட்டுக்கொள்ளாத தயாரிப்பாளர்
• 
  எம்ஜிஆர் - கருணாநிதி, நட்பு, மோதல் தழுவலில் 'காந்தா'?

• 
  'சாயரா' இந்தியாவில் நிகர வசூல் 250 கோடி
• 
  30 ஆயிரம் கோடி சொத்துக்களில் பங்கு கேட்கிறாரா கரிஷ்மா கபூர்?
• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்