Dinamalar

ஜான் ஆபிரகாமை பழிவாங்க ஹர்மானை மணக்கிறார் பிபாஷா பாசு!

இந்தி நடிகர் ஜான் ஆபிரகாமும், பிபாஷாவும் 8 வருடங்களாக காதலித்து வந்தனர். இவர்கள்தான் உண்மையான காதலர்கள் என்று பாலிவுட் அவர்களை தலைமீது தூக்கி வைத்து கொண்டாடியது. கடந்த இரண்டு ஆண்டுகளுக்கு முன்பு இருவரும் கருத்து வேறுபாடு ஏற்பட்டு பிரிந்தபோது "வேணாம் மச்சான் வேணாம் இந்த பொண்ணுங்க காதல்"னு இந்தி மீடியாக்கள் புலம்பித் தீர்த்தது.

இப்போது இந்த காதலின் கிளைமாக்ஸ் ஆரம்பம். கடந்த புத்தாண்டு தினத்தன்று ஆபிரகாம் அமெரிக்காவில் உள்ள லாஸ் ஏஜ்சல்சில் தனது புதுகாதலியான பிரியா ரஞ்சாலை திருமணம் செய்து கொண்டதாக தகவல் வெளியானது. இதைக் கேள்விப்பட்டு கொதித்துப்போன பிபாஷா இப்போது தனது புது காதலன் ஹர்மான் பவேஜாவை திருமணம் செய்து கொள்ள முடிவு செய்துள்ளார்.

ஆபிராகாமுடன் காதல் கசந்த பிறகு ஆறுதல் மருந்தாக வந்தவர்தான் ஹர்மான். ஆறுதல் காதலாகி மாறி கசிந்துருகி விட்டது. மெதுவாக திருமணம் செய்து கொள்ளலாம் என்று நினைத்திருந்தார் பிபாஷா. ஆனால் ஆபிரகாம் திருமணம் செய்து கொண்டதால் அதற்கு பதிலடி கொடுக்கும் விதமாக ஹர்மானை திருமணம் செய்து கொள்ள முடிவுவெடுத்துவிட்டார். ஹர்மான் தற்போது திஸ்கியான் என்ற படத்தில் நடித்து வருகிறார் அது முடிந்ததும் திருமணம் நடக்க இருக்கிறது.

• இவரை பற்றி
• செய்திகள்