Dinamalar

68 வயதில் தண்ணீர் பயம் நீங்கி நீச்சல் பழகிய அனுபம் கெர்

கிட்டத்தட்ட 500 படங்களுக்கு மேல் நடித்துவிட்ட பாலிவுட் நடிகர் அனுபம் கெர் அவ்வப்போது தென்னிந்திய மொழி படங்களிலும் செலெக்ட்டிவான கதாபாத்திரங்களில் நடித்து வருகிறார். தற்போது தனது 68வது பிறந்த நாளில் அடியெடுத்து வைத்திருக்கும் அனுபவம் கெர் கடந்த சில பிறந்த நாட்களில் ஒவ்வொரு விஷயமாக சவால் விட்டு அதை நிறைவேற்றிக் காட்டி வருகிறார்.

கடந்த வருடம் மேலாடை இன்றி தனது கட்டுமஸ்தான உடலை ரசிகர்களிடம் காட்டி அவர்களை ஆச்சரியப்படுத்தினார். இந்த வருடத்தில் தண்ணீர் மீது தனக்கு இருந்த பயத்தை போக்கும் விதமாக பத்து நாளைக்கு முன்பிருந்தே நீச்சல் கற்றுக்கொண்டு தனது பிறந்த நாளின்போது நீச்சல் குளத்தில் யாருடைய உதவியும் இன்றி, தான் நீச்சல் அடிக்கும் வீடியோ ஒன்றையும் வெளியிட்டு உள்ளார் அனுபம் கெர்.

இது குறித்து மேலும் அவர் வீடியோ ஒன்றில் பேசும்போது, “வயதாகிவிட்டது என்று யாரையும் ஏளனம் செய்ய வேண்டாம்.. வயதானாலும் உடலை எப்படி கட்டுக்கோப்பாக வைத்துக்கொள்ள வேண்டும்.. பயத்தை எப்படி போக்கி, நினைத்த விஷயத்தை சாதிக்க வேண்டும் என்பதற்கு வயதானவர்களுக்கு மட்டுமல்ல இளைஞர்களுக்கும் ஒரு உற்சாக தூண்டுதலாக இருக்கும் விதமாக எனது பிறந்த நாட்களில் ஒவ்வொரு விஷயமாக செய்து காட்டி வருகிறேன். அந்த வகையில் இந்த 68 வயதில் முதல் முறையாக தண்ணீர் மீதிருந்த பயத்தை போக்கி நீச்சல் கற்றுக் கொண்டுள்ளேன்” என்று கூறியுள்ளார் அனுபம் கெர்.

• 
  'வேவ்ஸ்' ஓ.டி.டி., தளம் : பிரசார் பாரதி துவக்கம்
• 
  நவ.26ம் தேதியில் விடுதலை-2 படத்தின் இசை வெளியீட்டு விழா
• 
  தெலுங்கில் அறிமுகமாகும் மமிதா பைஜூ
• 
  திருமணத்திற்கு தயாராகும் தமன்னா
• 
  திருப்பதி கோவிலில் சாமி தரிசனம் செய்த சந்தானம்

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி