Dinamalar

2018 - அதிகப் படங்களில் நடித்த வரலட்சுமி

2018ம் ஆண்டில் தாங்கள் நடித்த படங்கள் மூலம் எந்த ஒரு ஹீரோயினும் பெரிய பரபரப்பை ஏற்படுத்தவில்லை. இந்த ஆண்டில் சில வித்தியாசமான படங்கள் வந்தாலும் ஒட்டு மொத்த படமாகத்தான் அவை பெரிதும் ரசிக்கப்பட்டன. அந்தப் படங்களில் நடித்த நாயகர்களைப் பற்றியோ, நாயகிகளைப் பற்றியோ யாரும் அதிகம் பாராட்டிப் பேசவில்லை.

முன்னணி ஹீரோக்களின் படங்களில் நடித்த சில முன்னணி ஹீரோயின்கள் அந்தப் படங்களில் முக்கியத்துவம் இல்லாதவர்களாகவே இருந்தார்கள். இருப்பினும் ஒரு சில படங்களில் நாயகிகளின் கதாபாத்திரங்கள் கொஞ்சம் வித்தியாசமாக உருவாக்கப்பட்டிருந்தன.

2018ல் அதிகப் படங்களில் நடித்த நாயகி என்ற பெயரை வரலட்சுமி சரத்குமார் பெறுகிறார். “மிஸ்டர் சந்திரமௌலி, எச்சரிக்கை இது மனிதர்கள் நடமாடும் இடம், சண்டக்கோழி 2, சர்கார், மாரி” ஆகிய படங்கள் அவருடைய இந்த ஆண்டு திரைப்படங்களின் பட்டியலில் சேர்கின்றன. இவற்றில் 'எச்சரிக்கை இது மனிதர்கள் நடமாடும் இடம்' படத்தில் மட்டுமே அவர் தனி ஹீரோயினாக நடித்திருந்தார். மற்ற படங்களில் இரண்டாவது ஹீரோயினாக, வில்லியாக நடித்திருந்தார்.

'போடா போடி' படத்தின் மூலம் நாயகியாக அறிமுகமான வரலட்சுமி தனிப்பட்ட ஹீரோயினாக பெரிய வெற்றியைப் பெறவில்லை என்றாலும், அவர் நாயகியாக அறிமுகமான இந்த ஆறு வருடங்களில் இந்த ஆண்டில் தான் அவர் நடித்த படங்கள் அதிகமாக உள்ளன.

நாயகியாக இல்லை என்றாலும் குணச்சித்திர கதாபாத்திரத்தில், வில்லி கதாபாத்திரத்தில் நடிக்கக் கூடிய நடிகைகள் என்று இன்று யாருமில்லை. எந்தக் கதாபாத்திரம் கொடுத்தாலும் அதில் சிறப்பாக நடிக்கும் அளவிற்கு வரலட்சுமி தற்போது வளர்ந்துள்ளார்.

வரலட்சுமிக்குப் பிறகு தனி ஹீரோயினாக அதிகப் படங்களில் நடித்தவர் என்ற பெருமையை கீர்த்தி சுரேஷ் பெறுகிறார். அவர் நடித்து இந்த ஆண்டில், 'தானா சேர்ந்த கூட்டம், சாமி 2, சண்டக்கோழி 2, சர்கார்' ஆகிய படங்கள் வெளிவந்தன. கீர்த்தி சுரேஷ் நடித்து வெளிவந்த நான்கு படங்களுமே பெரிய ஹீரோக்களின் படங்கள் தான். அதில் 'சர்கார்' படம் பெரிய வெற்றியையும், 'தானா சேர்ந்த கூட்டம்' சுமாரான வெற்றியையும், 'சண்டக்கோழி 2, சாமி 2' தோல்விப் படங்களாகவும் அமைந்தன.

2018ல் முன்னணி ஹீரோயின்களும் அவர்கள் நடித்து வெளிவந்த படங்களும்...

ஐஸ்வர்யா ராஜேஷ் : லட்சுமி, வடசென்னை, செக்கச் சிவந்த வானம், கனா

ஜோதிகா : நாச்சியார், செக்கச் சிவந்த வானம், காற்றின் மொழி

சமந்தா : இரும்புத்திரை, சீமராஜா, யுடர்ன்

நயன்தாரா : கோலமாவு கோகிலா, இமைக்கா நொடிகள்

த்ரிஷா : மோகினி, 96

ஹன்சிகா : குலேபகாவலி, துப்பாக்கி முனை

ஆன்ட்ரியா : விஸ்வரூபம் 2, வடசென்னை

அமலா பால் : பாஸ்கர் ஒரு ராஸ்கல், ராட்சசன்

ரெஜினா : மிஸ்டர் சந்திரமௌலி, சிலுக்குவார்பட்டி சிங்கம்

நிக்கி கல்ராணி : கலகலப்பு 2, பக்கா

நிவேதா பெத்துராஜ் : டிக் டிக் டிக், திமிரு புடிச்சவன்

சாயிஷா : கஜினிகாந்த், கடைக்குட்டி சிங்கம்

தமன்னா : ஸ்கெட்ச்

நாயகிகள் படத்தின் முதன்மைக் கதாபாத்திரங்களில் நடிக்கும் படங்கள் வழக்கம் போல இந்த ஆண்டும் குறைவு தான். நயன்தாரா, ஜோதிகா, த்ரிஷா போன்ற ஒரு சிலருக்கு மட்டும் தான் அப்படிப்பட்ட வாய்ப்புகள் கிடைக்கின்றன. ஐஸ்வர்யா ராஜேஷ் நடித்து நாளை வெளிவர உள்ள 'கனா' படமும் நாயகிக்கு முக்கியத்துவம் உள்ள படம் தான். இம்மாதிரியான நாயகிகளுக்கும் முக்கியத்தும் கொடுக்கும் படங்கள், வருடத்திற்கு பத்து படங்களாவது வந்தால் தான் தமிழ் சினிமாவின் தடமும் மாறும். நாயகர்களின் கையில் இருந்து சினிமாவும் இயக்குனர்கள் பக்கமும், மற்றவர்கள் பக்கமும் செல்லும். 2019ல் அப்படிப்பட்ட படங்களை எதிர்பார்ப்போம்.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஓடிடி - வாழ வைக்கிறதா, நசுக்குகிறதா? : கலங்கும் கலையுலகம்
• 
  மாற்றத்தை ஏற்படுத்தாத மார்ச் மாதத் திரைப்படங்கள்
• 
  தமிழ் சினிமா 2024 - பிசுபிசுத்த பிப்ரவரி
• 
  காலத்திற்கேற்ப மாற்றத்தைக் கொண்டு வருமா தமிழ் சினிமா?
• 
  ஆரம்பமே இப்படியா...? - 2024ன் முதல் மாதம் ஓர் அலசல்