Dinamalar

தமிழுக்காக 'வெயிட்டிங்' : சிரிக்கும் சினேகா

பாலிவுட்டில் நடிக்க எல்லா நடிகைகளுக்குமே ஆசை இருக்கும். ஆனால் பாலிவுட்டில் ஓரிரு சினிமாக்களில் நடித்த கையுடன் கோலிவுட்டிற்கு வர ஆர்வம் காட்டி வருகிறார் சினேகா பால்.

கோல்கட்டாவில் பிறந்தாலும் சினிமா மீதான ஆசையில் மும்பையில் செட்டிலாகியிருக்கும் சினேகாபால் ஆக்டிங், மாடலிங்குடன் சோஷியல் மீடியாவிலும் 'ஆக்டிவ்' ஆக இருக்கிறார்.

சார்ம் சுக் வெப் தொடரில் ரேணுபாபி கேரக்டரில் நடித்து ஓ.டி.டி. தளத்தில் பிரபலமான சினேகாபால், டிஸ்னி ஹாட்ஸ்டாரின் தி சிட்டி அண்ட் எ கேர்ள் ேஷா மூலம் வடமாநில ரசிகர்களிடம் பிரபலமானார். அல்தாப் ராஜா இசை வீடியோ 'பூல் கே பத்லே பத்தர்'ல் நடித்து இளைஞர்களை கிறங்கடித்து கோலிவுட் வாய்ப்பை எதிர்நோக்கியிருக்கிறார்.

தினமலர் சண்டே ஸ்பெஷலுக்காக பேசியதிலிருந்து....

சிறு வயதிலிருந்தே மாடலிங் மீது ஆர்வம். இதற்காக படித்து முடித்த கையுடன் மும்பைக்கு குடிபெயர்ந்தோம். பிட்னஸ் சென்டர் விளம்பர படம் ஒன்றில் முதலில் நடிக்க வாய்ப்பு கிட்டியது. அந்த விளம்பரம் பல வாய்ப்புகளை பெற்று தந்தது. பெங்காலி படம் ஒன்றில் நாயகியாக நடித்தேன். பிறகு சாரம்சுக், லால்லிஹாப், சால் ஹவுஸ் 3 உள்ளிட்ட பல ஓ.டி.டி, வெப் தொடர்களில் நடிக்கும் வாய்ப்பு கிட்டியது.

பள்ளியில் படிக்கும் போதே தமிழ் சினிமா மீது ஈர்ப்பு உண்டு. பல தமிழ் சினிமாக்களை திரும்ப திரும்ப பார்த்திருக்கிறேன். ஆங்கில மொழி பெயர்ப்பும் இருப்பதால் வித்தியாசம் தெரிவதில்லை.

தமிழ் சினிமாக்கள் உண்மை சம்பவம் போல அழகான கதைகளை கொண்டவையாக இருப்பதால் 'இன்டரஸ்டிங்' ஆக இருக்கும். என் 'எனி டைம் பேவரைட்' ரஜினி தான். அல்லு அர்ஜூன், மகேஷ்பாபு நடிப்பு பிடிக்கும்.

தமிழ் பட வாய்ப்புக்காக காத்திருக்கிறேன். நல்ல கதையம்சம் ஆக் ஷன் படம் என்றால் உடனடியாக ஓ.கே., சொல்லி விடுவேன்.

யோகா, நடனத்துடன் நாள் தவறாமல் ஜிம் சென்று விடுவேன். இதுதான் என் 'பிட்னஸ்' ரகசியம். ஓய்வு நேரங்களில் புத்தகங்கள் படிப்பேன் பாடல்கள் கேட்பேன். பயணங்களில் ஐபேட் அல்லது லேப்டாப்பில் ஏதாவது ஒரு வெப் சீரியல் பார்த்து கொண்டபடி தான் பயணிப்பேன்.

எல்லா வகையான தென்னிந்திய உணவுகளும் பிடிக்கும். ஆனால் தென்னிந்தியாவிற்கு எங்கு சென்றாலும் என் 'பேவரைட்' பில்டர்காபியை ருசித்து விடுவேன் என்றார்.

• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...
• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்

• 
  'கந்தன் மலையில் கதாநாயகி இல்லை' எச்.ராஜா கலகல
• 
  எல்லோருடைய வாழ்க்கையையும் வாழ ஆசை: மாசாந்த் நடராஜன்
• 
  படம்... பாராட்டு... பயம்... மனம் திறந்த ஸ்ரீகணேஷ்
• 
  நானும் மக்கள் பிரதிநிதி தான் - மதுவந்தி
• 
  தரன் தரும் தரமான இலக்கியம்