Dinamalar

'இந்தியன் 2' படத்திற்கு வந்த புதிய சிக்கல் ?

லைகா புரொடக்ஷன்ஸ் தயாரிப்பில் ஷங்கர் இயக்கத்தில் கமல்ஹாசன், காஜல் அகர்வால், சித்தார்த் மற்றும் பலர் நடிக்கும் படம் 'இந்தியன் 2'. இப்படத்தில் தயாரிப்பு நிறுவனமான லைகாவிற்கும், ஷங்கருக்கும் இடையே பிரச்சினை வந்ததை அடுத்து படத் தயாரிப்பு வேலைகள் நின்று போய் உள்ளன.

சமீபத்தில் லைகா தயாரிப்பாளர் சுபாஷ்கரனை சந்தித்து ஷங்கர் பேசிய பிறகு பிரச்சினைகள் தீர்ந்ததாக சொல்லப்பட்டது. ஆனால், ஷங்கர் மீண்டும் தெலுங்குப் படம் பக்கம் சென்றதால் லைகா தரப்பில் கோமடைந்து படப்பிடிப்பை துவக்கும் வேலைகளை மீண்டும் தள்ளிப் போட்டுவிட்டதாகச் சொல்கிறார்கள்.

இதனிடையே, இப்படத்திற்கு படத்தின் கதாநாயகியான காஜல் அகர்வால் மூலம் ஒரு பிரச்னை வந்துள்ளது. கடந்த சில நாட்களாக காஜல் கர்ப்பமாக உள்ளதாக செய்திகள் வெளிவந்து கொண்டிருக்கின்றன. அவர் நடிக்க இருந்த 'தி கோஸ்ட்' என்ற படத்திலிருந்து விலகிவிட்டதாக டோலிவுட் வட்டாரங்களில் தெரிவிக்கிறார்கள். அப்படத்தில் ஆக்ஷன் காட்சிகளில் நடிக்க வேண்டியிருப்பதால் கர்ப்பமாக இருக்கும் தனக்கு சரியாக இருக்காது என காஜல் சொன்னதாகச் சொல்கிறார்கள்.

'இந்தியன் 2' படத்திற்காக 60 சதவீதக் காட்சிகள்தான் படமாக்கப்பட்டுள்ளது. இன்னும் 40 சதவீதக் காட்சிகளைப் படமாக்க வேண்டும். அப்படியிருக்கையில் உடனடியாக படத்தை ஆரம்பித்தால்தான் காஜல் அகர்வால் நடிக்க முடியும். இல்லையென்றால் அவர் குழந்தை பெற்றுத் திரும்பும் வரை காத்திருக்க வேண்டும். காஜலுக்காக தங்கள் பிரச்சினைகளை உடனடியாகத் தீர்த்து ஷங்கரும், லைக்காவும் இறங்குவார்களா என்பது சந்தேகம்தான்.

காஜலை படத்திலிருந்து நீக்கினாலும், அவர் நடித்த காட்சிகளை மீண்டும் படமாக்க வேண்டும். அதற்கு பெரும் செலவாகும். இந்த சூழ்நிலையில் 'இந்தியன் 2' நிலை என்னவாகும் என்பதை இப்போதைக்கு யாராலும் சொல்ல முடியாது. எந்த நேரத்தில் ஆரம்பித்தார்களா 'இந்தியன் 2' இப்படி இழுத்துக் கொண்டே போகிறது என கோலிவுட்டில் கிண்டலடிக்கிறார்கள்.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  பைசன் படத்தின் தணிக்கை சான்று மற்றும் ‛ரன்னிங் டைம்'
• 
  நான் அசாம், தாய்மொழி நேபாளம் : கயாடு லோகர் புது தகவல்
• 
  பாபாஜி குகையில் ரஜினி தியானம், வழிபாடு
• 
  இன்பன் உதயநிதி ஹீரோவாகும் படம் : மாரி செல்வராஜ் இயக்குகிறாரா?
• 
  இந்த வார ஓடிடி ரிலீஸ்...... நீங்கள் எதிர்பார்த்த 'வார்-2' முதல் 'பாம்' ...