Dinamalar

ஒரே நாளில் ஆர்யாவின் இரண்டு படங்கள் வெளியீடு

கொரோனா முதல் அலை மற்றும் இரண்டாவது அலை காரணமாக சில நடிகர்களின் படங்கள் கடந்த இரண்டு வருடங்களாக வெளியாகவில்லை. திட்டமிட்டபடி படங்களை வெளியிட முடியாமல் சில படங்கள் முடங்கிப் போயுள்ளன. சில படங்களை வந்த விலைக்கு ஓடிடி தளங்களில் விற்றுவிட்டார்கள். இந்நிலையில் நடிகர் ஆர்யாவின் இரண்டு படங்கள் ஒரே நாளில் வெளியாக உள்ளது திரையுலகத்தில் உள்ள பலருக்கு ஆச்சரியத்தையும், பொறாமையையும் அளித்துள்ளது.

பா.ரஞ்சித் இயக்கத்தில் ஆர்யா நடித்த 'சார்பட்டா பரம்பரை' படம் ஓடிடி தளத்தில் வெளியாகி வரவேற்பைப் பெற்றது. ஆர்யாவுக்கு மீண்டும் ஒரு பெரிய பெயரை அப்படம் பெற்றுத் தந்தது. அதனால், அவர் நடித்து வரும் படங்களுக்கான எதிர்பார்ப்பும் அதிகமானது.

அந்த வகையில் அவர் தனி கதாநாயகனாக நடித்த 'அரண்மனை 3', விஷாலுடன் இணைந்து நடித்த 'எனிமி' ஆகிய படங்களின் வியாபாரம் சூடு பிடிக்க ஆரம்பித்தது. 'அரண்மனை 3' படத்தை உதயநிதி ஸ்டாலினின் ரெட் ஜெயன்ட் நிறுவனம் மொத்த உரிமையையும் வாங்கி வெளியிடுகிறது.

'அரண்மனை 3, எனிமி' ஆகிய இரண்டு படங்களும் அக்டோபர் 14 அன்று ஆயுத பூஜை விடுமுறை நாட்களில் வெளியாக உள்ளது. ஒரே நாளில் ஆர்யா நடித்துள்ள இரண்டு படங்கள் வெளியாவதுதான் திரையுலகில் பேச்சாக உள்ளது.

முன்பெல்லாம் ஒரு ஹீரோவின் படத்தை ஒரே நாளில் வெளியிடக் கூடாது என தயாரிப்பாளர் சங்கத்தில் பேசி முடிவு எடுத்திருந்தார்கள். ஆனால், இந்தப் படங்களைப் பொறுத்தவரையில் 'எனிமி' படம் டபுள் ஹீரோ சப்ஜெக்ட் என்று சொல்லிவிடுவார்கள். மேலும், 'அரண்மனை 3' படத்தை உதயநிதி வெளியிடுவதால் அதற்கு யாரும் எதிர்ப்பு சொல்ல மாட்டார்கள்.

'டெடி', 'சார்பட்டா பரம்பரை' படத்திற்குக் கிடைத்த வெற்றியைத் தொடர்ந்து இந்த இரண்டு படங்களும் வெற்றியடைந்தால் ஆர்யாவுக்கு இந்த வருடம் நான்கு ஜாக்பாட் தான்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்