Dinamalar

வன்முறை, ரத்தம் தெறிக்கும் காட்சிகள் : ரஜினியின் 'கூலி' படத்திற்கு ‛ஏ' சான்று

லோகேஷ் கனகராஜ் முதன்முறையாக ரஜினியை வைத்து இயக்கி உள்ள படம் ‛கூலி'. இதில் ஸ்ருதிஹாசன், சத்யராஜ், நாகார்ஜூனா, உபேந்திரா, சவுபின் சாகிர் ஆகியோர் முக்கிய வேடத்தில் நடித்துள்ளனர். சிறப்பு வேடத்தில் அமீர்கான் நடித்துள்ளார். மோனிகா என்ற பாடலுக்கு நடிகை பூஜா ஹெக்டே குத்தாட்டம் போட்டுள்ளார். அனிருத் இசையமைத்துள்ளார். ஆக., 14ல் படம் ரிலீஸாக உள்ள நிலையில் நாளை படத்தின் இசை மற்றும் டிரைலர் வெளியீட்டு விழா சென்னையில் நடக்கிறது.

இந்நிலையில் இந்த படத்திற்கு சென்சாரில் ‛ஏ' சான்று கிடைத்துள்ளது திரையுலகினர் இடையே அதிர்ச்சியை ஏற்படுத்தி உள்ளது. பொதுவாக ரஜினி படங்களுக்கு அவரது ரசிகர்கள் தாண்டி குடும்ப ரசிகர்களும் அதிகம் வருவார்கள். அப்படி இருக்கையில் இந்த படத்திற்கு ‛ஏ' சான்று கிடைத்திருப்பது விநியோகஸ்தர்கள், தியேட்டர்கள் இடையே கலக்கத்தை ஏற்படுத்தி உள்ளது.

ரஜினி படத்திற்கு ஏன் ‛ஏ' சான்று என விசாரித்து பார்த்ததில் படத்தில் நிறைய ஆக் ஷன் மற்றும் ரத்தம் தெறிக்கும் காட்சிகள் உள்ளதாம். பொதுவாகவே லோகேஷ் படங்களில் ஆக் ஷன் பிரதானமாக இருக்கும். ஆனால் இந்த படத்தில் அது கூடுதலாகவே இருக்கிறதாம். சில காட்சிகளை நீக்கினால் யு/ஏ சான்று தருவதாக தணிக்கையில் சொல்லியிருக்கிறார்கள். ஆனால் லோகேஷ் மற்றும் தயாரிப்பு தரப்பு மறுத்துவிட்டதாம். இதன் காரணமாக படத்தை ஏ சான்றுடனேயே வெளியிட முடிவெடுத்துவிட்டனர். இதை படக்குழுவும் அதிகாரப்பூர்வமாக அறிவித்துள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...