Dinamalar

மமிதா பைஜு - விஜய் ரசிகையா, சூர்யா ரசிகையா???

தமிழில் இந்த ஆண்டில் வெளிவந்த 'ரிபெல்' படத்தில் அறிமுகமாகி இருந்தாலும் அதற்கு முன்னதாக வெளியான மலையாளப் படமான 'பிரேமலு' படத்தின் மூலம் தமிழ் ரசிகர்களின் மனதிலும் இடம் பிடித்தவர் மமிதா பைஜு.

பாலா இயக்கத்தில் சூர்யா நடிப்பதாக இருந்த 'வணங்கான்' படத்தில்தான் முதன்முதலில் தமிழில் நடிக்க ஒப்பந்தமானார். அந்தப் படத்தின் படப்பிடிப்பு ஆரம்பமாகி முதல்கட்டப் படப்பிடிப்பிலேயே பாலா, சூர்யா இடையே கருத்து மோதல் ஏற்பட்டு படத்தின் தயாரிப்பிலிருந்தும், நடிப்பதிலிருந்தும் சூர்யா விலகினார். அதன்பின் மொத்த நடிகர்கள், நடிகையரையும் மாற்றி படத்தை எடுத்து முடித்துள்ளார். அந்த மாற்றத்தால் மமிதாவும் அப்படத்தில் நடிக்கவில்லை.

இதனிடையே, விஜய்யின் 69வது படத்தில் மமிதா பைஜு நடிப்பதன் அதிகாரப்பூர்வ அறிவிப்பு நேற்று வெளியானது. இதையடுத்து “விஜய்தான் தன்னுடைய அபிமான நடிகர், அவருடைய படங்களைப் பார்த்து வளர்ந்தவர் நாள். 'கில்லி' படத்திலிருந்தே அவரை மிகவும் பிடிக்கும்,” என மமிதா மலையாளத்தில் கொடுத்த ஒரு பேட்டியை விஜய் ரசிகர்கள் பகிர்ந்தனர்.

இதையடுத்து, சூர்யாவைப் பற்றி மமிதா தமிழில் பேட்டி அளித்த ஒரு வீடியோவை சூர்யா ரசிகர்கள் பகிர்ந்துள்ளனர். அதில், தனக்கு சூர்யா எந்த அளவிற்குப் பிடிக்கும் என்பதையும், அவரை முதன்முதலில் பார்த்த அனுபவத்தையும், ஜோதிகாவை சந்தித்த அனுபவத்தையும் பற்றி மகிழ்ச்சி பொங்க பேசியுள்ளார். மமிதாவுக்கு சூர்யாவைத்தான் அதிகம் பிடிக்கும் என்றும் சூர்யா ரசிகர்கள் பகிர்ந்து வருகின்றனர்.

சூர்யாவின் படத்தில் ஒப்பந்தமாகியும் நடிக்க முடியாமல் போனது, விஜய்யின் படத்தில் நடிக்க உள்ளது என அடுத்து ஏதாவது ஒரு வீடியோவில் பேசி மமிதா சமாளித்தாக வேண்டும்.

• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...
• 
  சிக்கந்தர் - மோசமில்லாத முதல் நாள் வசூல்
• 
  ஷங்கர் அடுத்து 'அவுட்டேட்டட்' பட்டியலில் இணைந்த ஏஆர் முருகதாஸ்

• 
  சினிமா துறை நாறிப் போய் உள்ளது : சனம் ஷெட்டி கோபம்
• 
  பேட் மேன் பட நடிகர் வால் கில்மர் காலமானார்
• 
  குட் பேட் அக்லி படத்தின் ரன்னிங் டைம் வெளியானது
• 
  29 வயதா.... நம்பமுடியவில்லை என்கிறார் ராஷ்மிகா
• 
  ஹிப் ஹாப் ஆதியின் படத்தை இயக்கும் ஜோ இயக்குனர்