Dinamalar

விஷாலும் கட்சி தொடங்குகிறார் : ஏற்பாடுகள் தீவிரம்

தமிழ் சினிமாவின் முன்னணி நடிகரான விஜய், விரைவில் சினிமாவை விட்டு விலகி தீவிரமான அரசியல் பணியில் இறங்க இருக்கிறார். 'தமிழக வெற்றி கழகம்' என்ற தனது கட்சி பெயரையும் அறிவித்திருக்கிறார். இந்த நிலையில் விஷாலும் கட்சி தொடங்குவதற்கான ஏற்பாடுகளை தீவிரமாக செய்து வருகிறார்.

இதன் முதல் கட்டமாக தனது ரசிகர் மன்றத்தை 'விஷால் மக்கள் நல இயக்கம்' என்று பெயர் மாற்றம் செய்து அனைத்து மாவட்டங்களிலும் பொறுப்பாளர்களை நியமித்து உள்ளார். பூத் கமிட்டிகளையும் உருவாக்கி இருக்கிறார். வெளியூர்களில் படப்பிடிப்புகளுக்கு செல்லும்போது அங்குள்ள ரசிகர்களை சந்திப்பதையும், மக்களிடம் குறைகள் கேட்டு கோரிக்கைகளை நிறைவேற்றி கொடுப்பதையும் வழக்கமாக வைத்து இருக்கிறார்.

விஷால் இதற்கு முன்பு கட்சி தொடங்காமலேயே அரசியலில் குதித்தார். ஆர்.கே.நகர் தொகுதி இடைத் தேர்தலில் போட்டியிட வேட்பு மனு தாக்கல் செய்தார். அந்த மனு நிராகரிக்கப்பட்டது. அதனால் அரசியலில் இருந்து சற்று ஒதுங்கினார். தற்போது தீவிரமாக இறங்கி இருக்கிறார். பார்லிமென்ட் தேர்தல் நெருங்கும் நிலையில் அரசியல் கட்சியை தொடங்க முடிவு செய்து இருக்கிறார். விரைவில் கட்சி பெயரை அறிவிப்பார் என்றும், சட்டசபை தேர்தலில் விஷால் கட்சி போட்டியிடும் என்றும் தகவல் வெளியாகி உள்ளது. விஜய்க்கு எதிராக விஷாலை ஒரு முன்னணி கட்சி பின்னால் இருந்து இயக்குவதாகவும் கூறப்படுகிறது.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா