கதைகளை புனைவதால் வருத்தம்: பாடகி சைந்தவி | மீண்டும் அயோத்தி மந்திர மூர்த்தி இயக்கத்தில் நடிக்கும் சசிகுமார்! | 4 மொழிகளில் திரைக்கு வரும் அமலாபாலின் ‛லெவல் கிராஸ்' | இந்தியன்-2 படத்தோடு வெளியாகும் இந்தியன்- 3 படத்தின் டிரைலர்! | சர்ச்சையாக பேசிய திமுக பேச்சாளர்: நடிகை ராதிகா புகார் | மோசடி வழக்கில் நயன்தாரா பட இயக்குனர் கைது | வித்தியாசமான ஹேர்ஸ்டைலுக்கு மாறிய கீர்த்தி சுரேஷ் | ரிலீஸ் செய்ய மறுத்த ஆத்திரத்தில் பேஸ்புக்கில் படத்தை வெளியிட்ட டொவினோ தாமஸ் பட இயக்குனர் | கார் விபத்தில் சிக்கிய லியோ நடிகரின் குடும்பம் ; உறவினர் ஒருவர் பலி | இயக்குனரின் கணவர் பேட்டியால் சிக்கலில் மம்முட்டி |
பியார் பிரேமா காதல், தாராள பிரபு, இஸ்பெட் ராஜா போன்ற காதல் படங்களில் நடித்த ஹரிஷ் கல்யாண், தற்போது ‛பார்க்கிங்' என்ற படத்தில் 30 வயது குடும்ப தலைவனாக நடித்துள்ளார். புதுமுக இயக்குனர் ராம்குமார் இயக்கி உள்ளார். நாம் அன்றாடம் சந்திக்கும் கார் பார்க்கிங் பிரச்னையைச் மையமாக வைத்து உருவாகி உள்ள இந்தபடம் டிசம்பர் 1ல் வெளியாகிறது.
படம் பற்றி இயக்குனர் பேசும்போது, ‛‛கொரோனா காலக்கட்டத்தில் எழுதிய கதை. கார் வைத்திருக்கும் பலரும் சந்திக்கும் பிரச்னை தான் இந்தபடம். சில உண்மை சம்பவங்களும் உள்ளன. மனித நேயத்துடன் நடந்து கொள்ளுங்கள், காரை காரா பாருங்க உயிரா பார்க்காதீங்க என்று சொல்லும் கதை,'' என்கிறார்
ஹரிஷ் பேசும்போது, ‛‛நிறைய காதல் படங்களில் நடித்து விட்டேன். இந்த படத்தில் 30 வயது இளைஞனாக, ஐடி நிறுவனத்தில் வேலை செய்யும் குடும்ப தலைவனாக வருகிறேன். லப்பர் பந்து, டீசல் என்று ஆக்ஷன் கதைகளில் என்னை அடுத்தடுத்து பார்க்கலாம். ஒரேமாதிரி காதல் கதைகள் தவிர்த்து வேற வேற கதைகளுடன் வருகிறேன்'' என்கிறார்
ஹரிஷ் ஜோடியாக இந்துஜா நடித்துள்ளார். கர்ப்பிணியாக படத்தில் அவர் வருகிறார். பட தலைப்பு போலவே பத்திரிகையாளர் சந்திப்புக்கு வந்த இந்துஜா பார்க்கிங்கில் அவரது காரை நிறுத்த அவதிப்பட்டார். இந்த படத்தில் எம்எஸ் பாஸ்கர், ஹரிஷ் கூட்டணி சிறப்பாக வந்துள்ளதாக பட குழுவினர் தெரிவித்தனர்.