Dinamalar

இந்த முறையாவது ரிலீஸாகுமா தமிழரசன்

விஜய் ஆண்டனி நடிப்பில் படங்கள் வெளியாகி ஒரு மிகப்பெரிய இடைவெளி விழுந்து விட்டது. அதே சமயம் தற்போது விஜய் ஆண்டனியின் கைகளில் தான் அதிக படங்களும் இருக்கின்றன என்பது ஆச்சரியம் தரும் இன்னொரு தகவல். இவர் நடித்த சில படங்கள் ரிலீசுக்கு தயாராக இருக்கின்றன. சில படங்கள் போஸ்ட் புரடக்சனில் இருக்கின்றன. அந்த வகையில் விஜய் ஆண்டனிக்கு தமிழரசன் மற்றும் பிச்சைக்காரன் 2 ஆகிய படங்கள் தான் அடுத்தடுத்து ரிலீஸ் ஆகும் என எதிர்பார்க்கப்படுகிறது. இதில் தமிழரசன் திரைப்படம் வரும் ஏப்ரல் 14-ம் தேதி ரிலீஸ் ஆக இருப்பதாக போஸ்டருடன் அறிவிப்பு வெளியாகி உள்ளது.

ஆனால் இப்படி இந்தப்படத்தின் ரிலீஸ் தேதி அறிவிக்கப்படுவது இது ஐந்தாவது முறை. இதற்கு முன்பு நவம்பர் 18, டிசம்பர் 30, ஜனவரி 26, மார்ச் 31 என பலமுறை ரிலீஸ் தேதி அறிவிக்கப்பட்டு, தற்போது ஏப்ரல் 14 ரிலீஸ் என அறிவிக்கப்பட்டுள்ளது. இதற்கு முன்பாக அருண் விஜய்யின் பார்டர் திரைப்படம் தான் இப்படி ரிலீஸ் தேதி அறிவிப்பால் சாதனை செய்து வந்தனர்.

இந்தநிலையில் தமிழரசன் ரிலீஸாகும் இதே தேதியில் இன்னும் சில படங்கள் வெளியாக இருப்பதால் ஒருவேளை மீண்டும் இதன் ரிலீஸ் தேதி மாற்றப்படுமா இல்லை, இந்த தேதியில் உறுதியாக இருப்பார்களா என்பது வரும் நாட்களில் தான் தெரியும்.

பாபு யோகேஸ்வரன் என்பவர் இயக்கியுள்ள இந்த படத்தில் மலையாள நடிகர் சுரேஷ் கோபி மற்றும் பாலிவுட் வில்லன் நடிகர் சோனு சூட் இருவரும் முக்கிய கதாபாத்திரங்களில் நடித்துள்ளனர். கடந்த 2019 ஜனவரியில் துவங்கப்பட்ட இந்த படம் அதே வருடம் டிசம்பர் மாதத்திலேயே படப்பிடிப்பு முடிவடைந்தது என்பது குறிப்பிடத்தக்கது.

• 
  அம்ரிதா பிரிதமின் வாழ்க்கை வரலாற்றில் நடிக்க விரும்பும் நிம்ரத் கவுர்
• 
  வார் 2 படத்தின் முக்கிய அப்டேட்
• 
  மலையாள படத்தின் ஹிந்தி ரீமேக் : இயக்குனர் மறைந்து ஒரு வருடம் கழித்து ...
• 
  மீண்டும் ஹிந்தியில் கீர்த்தி சுரேஷ்
• 
  கேன்ஸ் திரைப்பட விழா தொடங்கியது: இந்திய கலைஞர்கள் ஆதிக்கம்

• 
  வாய் பேசா கதாபாத்திரத்தில் சிறை கைதியாக நடித்துள்ள ரவீணா ரவி
• 
  அம்மாவின் 2வது திருமணம் ஏற்படுத்திய பாதிப்பு: மனம்திறந்த லிஜோ மோல் ஜோஸ்
• 
  ஜெயிலர்-2 படப்பிடிப்பில் ரஜினியை சந்தித்து வாழ்த்து பெற்ற மலையாள நடிகர்
• 
  ‛ஏஸ்' எனக்கு ஸ்பெஷலான படம்: ருக்மணி வசந்த்
• 
  ‛‛100 வருஷம் ஆனாலும் பாசம் மாறாது'' : மதுரை மக்கள் பற்றி விஷால் கருத்து