மஞ்சு மனோஜுக்குத் திருப்பம் தந்த மிராய்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

மஞ்சு மனோஜுக்குத் திருப்பம் தந்த 'மிராய்'

16 செப், 2025 - 10:41 IST

எழுத்தின் அளவு:

தெலுங்குத் திரையுலகத்தின் முக்கிய குடும்பங்களில் ஒன்று நடிகர் மோகன் பாபு குடும்பம். ரஜினியின் மிக நெருங்கிய நண்பர் மோகன்பாபு. அவருடைய மூத்த மகன் விஷ்ணு மஞ்சு, இளைய மகன் மஞ்சு மனோஜ், மகள் லட்சுமி மஞ்சு ஆகியோரும் தெலுங்கு சினிமாவில் நடித்து வருகிறார்கள்.

விஷ்ணு மஞ்சு கதாநாயகனாக நடித்து சமீபத்தில் வெளிவந்த 'கண்ணப்பா' படம் நல்ல வரவேற்பைப் பெற்றது. அற்புதமாக உருவாக்கப்பட்ட அந்தப் படம் வசூல் ரீதியாக ஏனோ பெரிய வரவேற்பைப் பெறவில்லை. அதே சமயம் மஞ்சு மனோஜ் வில்லனாக நடித்து கடந்த வாரம் வெளிவந்த 'மிராய்' படம் 100 கோடி வசூலை நெருங்கி வருகிறது. அந்தப் படத்தில் மனோஜின் வில்லத்தன நடிப்பை திரையுலகினரே பாராட்டி வருகிறார்கள்.

சுப்பிரமணிய சிவா இயக்கத்தில் தனுஷ், சாயா சிங் நடித்து வெளிவந்து பெரும் வெற்றி பெற்ற 'திருடா திருடி' படத்தின் தெலுங்கு ரீமேக்கான 'தொங்கா தொங்கடி' படம் மூலம் கதாநாயகனாக அறிமுகமானவர் மஞ்சு மனோஜ். அதன்பின் தொடர்ந்து தெலுங்கில் நடித்து வருகிறார். சூரி, சசிகுமார், நடித்து வெளிவந்த 'கருடன்' படத்தின் தெலுங்கு ரீமேக்கான 'பைரவம்' படத்தில் மூன்று கதாநாயகர்களில் ஒருவராக நடித்தார்.

'மிராய்' படத்தின் டிரைலரை ரஜினிகாந்த் பாராட்டியதை மனோஜ் தமிழிலேயே எக்ஸ் தளத்தில் பதிவிட்டிருந்தார். அதனால்தான் அந்தப் படம் தமிழிலும் ரசிகர்களிடம் சென்றடைந்தது. தமிழ் நன்றாகப் பேசத் தெரிந்த 'மிராய்' வெற்றி தனக்கு தமிழிலும் நடிக்கும் வாய்ப்பை ஏற்படுத்திக் கொடுக்கும் என்ற நம்பிக்கையுடன் இருக்கிறாராம் மஞ்சு மனோஜ்.

Manchu Manoj

Mirai

மஞ்சு மனோஜ்

மிராய்

கருத்துகள் (0) கருத்தைப் பதிவு செய்ய

கேரளாவில் 'காந்தாரா 2' வெளியீடு ...

படம் வெளியாகி ஒரு வருடம் கழித்து ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய