Dinamalar

திருமண மேடைகளாக மாறி வரும் தொலைக்காட்சிகள்

சின்னத்திரை ரசிகர்களை ஈர்க்க ஏதாவது செய்ய வேண்டும் என்ற வேட்கையோடு சுற்றி வரும் தொலைக்காட்சிகள் போட்டி போட்டுக் கொண்டு பல நிகழ்ச்சிகளை தயாரித்து வருகின்றனர். ரசிகர்களுக்கு பிடித்தமான சின்னத்திரை பிரபலங்களின் நிச்சயதார்த்தம், திருமணம் முதல் வளைகாப்பு வரை கூட இப்போதெல்லாம் டிஆர்பி கண்டண்ட்களாக மாற்றி வருகின்றனர். அந்த வகையில் சமீபத்தில் திருமணமான ரவீந்தர் - மஹாலெட்சுமி மற்றும் முனீஸ்ராஜ் - ப்ரியா திருமண வைபவத்தை இரண்டு சேனல்கள் போட்டி போட்டுக்கொண்டு ஸ்பெஷல் நிகழ்ச்சியாக தயாரித்துள்ளன.

ரவீந்தர் - மஹாலெட்சுமி காதல் திருமணம் பாடி ஷேமிங் கான்செப்ட்டுக்குள் சிக்கி சோஷியல் மீடியாவில் பூதாகரமாக வெடித்தது. அதுபோல, முனீஸ்ராஜ் - ப்ரியா காதல் திருமணமும் ராஜ்கிரண் வெளியிட்ட அறிக்கையில் பரப்பாக பேசப்பட்டது.

இந்நிலையில், விஜய் தொலைக்காட்சி 'வந்தாள் மஹாலெட்சுமி' என்கிற பெயரில் ரவீந்தர் - மஹாலெட்சுமி திருமணத்தை ரீ-கிரியேட் செய்து ஸ்பெஷல் ஷோவாக மாற்றியது. தற்போது போட்டி சேனலான ஜீ தமிழும் தன் பங்கிற்கு 'சீதா ராமன்' என்கிற பெயரில் முனிஸ்ராஜ் - ப்ரியாவுக்கு தொலைக்காட்சி நிகழ்ச்சியிலேயே திருமணத்தை செய்து வைத்துள்ளது. அதன் புரோமோ இணையதளங்களில் வைரலாக பரவி வருகிறது.

இந்நிகழ்ச்சியானது வருகிற ஆயுத பூஜையை முன்னிட்டு சிறப்பு நிகழ்ச்சியாகவும் ஒளிபரப்பாக உள்ளது. இதனையடுத்து நெட்டிசன்கள் பலரும் இந்த இரண்டு நிகழ்ச்சிகளையும் விமர்சித்து வருகின்றனர். ஆனாலும், இந்நிகழ்ச்சிகளின் டிஆர்பி டாப் கியர் அடிக்கப்போவது உறுதி தான்.

• 
  என் வாழ்க்கையில் திருப்புமுனையை ஏற்படுத்தியவர் ரஜினிகாந்த் ; பாலிவுட் ...
• 
  மகா காலேஸ்வரர் கோவிலில் தரிசனம் செய்த சாரா அர்ஜுன்
• 
  மும்பை திரையரங்குகளில் 300 கோடியை தாண்டிய முதல் இந்திய திரைப்படம் ...
• 
  'துரந்தர்-2 'படத்திற்கு தடைவிதிக்க : நீதிமன்றம் மறுப்பு
• 
  ரன்வீருக்கு 250 லுக், துரந்தருக்கு 10,000 உடைகள் : ஆடை வடிவமைப்பாளருக்கு நன்றி ...

• 
  மருதநாட்டு இளவரசி, ஜெயம், ஜிகர்தண்டா டபுள் எக்ஸ் - ஞாயிறு திரைப்படங்கள்
• 
  ஆடுகளத்திலிருந்து வெளியேறுகிறார் டெல்னா டேவிஸ்
• 
  'கயல்' சீரியல் நடிகை சுபாஷினி தூக்கிட்டு தற்கொலை
• 
  என் அண்ணன், பாட்ஷா, டூரிஸ்ட் பேமிலி - ஞாயிறு திரைப்படங்கள்
• 
  திருவிளையாடல், அவள் ஒரு தொடர்கதை, பைசன் : ஞாயிறு திரைப்படங்கள்