Dinamalar

'உங்க வீட்டு சூப்பர் குயின்' - புத்தம் புதிய முயற்சி

ஜீ தமிழ் சேனலில் ஒளிபரப்பாகி வரும் 'சூப்பர் குயின்' நிகழ்ச்சி பெண் ரசிகர்கள் மத்தியில் நல்ல வரவேற்பு கிடைத்து வருகிறது. சாதனை பெண்களை கவுரவிக்கும் பொருட்டு தயாரிக்கப்பட்ட இந்த நிகழ்ச்சி கடந்த ஜனவரி 16 ஆம் தேதி முதல் ஒளிபரப்பாகி வருகிறது. இதில் முதல் கட்டமாக சின்னத்திரை பெண் பிரபலங்கள் 12 பேர் கலந்து கொண்டு விளையாடி வருகின்றனர்.

ஒவ்வொரு போட்டியாளரின் பின்னணி கதைகளும், எடுத்துக்கொண்ட துறையில் அவர்கள் சவால்களை சமாளித்து சாதித்து வருவதும் ரசிகர்கள் மனதை கவர்ந்து வருகின்றன. இந்நிலையில் பிரபலங்கள் மட்டுமல்லாது, அன்றாட வாழ்வில் சாதனை படைத்து வரும் குடும்ப பெண்களையும் பெருமைப்படுத்தும் வகையில் 'உங்க வீட்டு சூப்பர் குயின்ஸ்' என்ற புதிய முயற்சியை ஜீ தமிழ் சேனல் எடுத்துள்ளது.

இதற்கு உங்களது வீட்டில் இருக்கும் பெண்ணோ அல்லது உங்களுக்கு தெரிந்த நண்பர்களோ சமூகத்திற்காக ஏதேனும் ஒரு விதிவிலக்கான செயலை செய்திருந்தால் அவர்களை இந்நிகழ்ச்சியில் அறிமுகம் செய்து வைக்கலாம். அவரது புகைப்படம் அல்லது குடும்ப புகைப்படம் அல்லது செல்பி வீடியோவை பதிவு செய்து, அதற்கு ஏற்ற தலைப்பை கொடுத்து #superqueen என்கிற ஹேஷ்டேக்குடன் ஜீ தமிழ் சேனலை டேக் செய்து பதிவிட வேண்டும்.

இதில் ஒவ்வொரு வாரமும் தேர்ந்தெடுக்கப்படும் வெற்றியாளர்களில் 15 பேர், 'சூப்பர் குயின்' நிகழ்ச்சியின் இறுதிப்போட்டியில் பிரபலங்களுடன் இறுதில் சுற்றில் பங்கேற்று விளையாட வாய்ப்பு வழங்கப்படும். இறுதி போட்டியில் அவர்கள் அனைவரும் கெளரவிக்கப்படுவார்கள் என ஜீ தமிழ் நிறுவனம் அறிவித்துள்ளது.

சூப்பர் குயின் நிகழ்ச்சி ஞாயிறு தோறும் இரவு 8 மணிக்கு ஒளிபரப்பாகி வருகிறது.

• 
  ஹிந்தியில் நேரடியாக டிவியில் ஒளிபரப்பாகும் ‛ரங்கஸ்தலம்'
• 
  மோகன்லாலை போலத்தான் கஜோலும் : பிரமிக்கும் பிரித்விராஜ்
• 
  'சாயரா' இந்தியாவில் நிகர வசூல் 250 கோடி
• 
  30 ஆயிரம் கோடி சொத்துக்களில் பங்கு கேட்கிறாரா கரிஷ்மா கபூர்?
• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்

• 
  கோவிலில் தீ மிதித்த புகழ்
• 
  ஆட்டுக்கார அலமேலு, கல்யாணராமன், சுல்தான் : ஞாயிறு திரைப்படங்கள்
• 
  சின்னத்திரை நடிகர் சங்கத் தேர்தல்: போஸ் வெளியே, ஆர்த்தி உள்ளே
• 
  கந்தன் கருணை, ஆழ்வார், சர்கார் - ஞாயிறு திரைப்படங்கள்
• 
  இதயக்கனி, திருப்பாச்சி, இந்தியன் 2 - ஞாயிறு திரைப்படங்கள்