Dinamalar

ஏமாற்றுபவர்களின் கதி ; குத்திக் காட்டுகிறாரா சித்தார்த்?

நடிகை சமந்தா தனது காதல் கணவர் நடிகர் நாகசைதன்யாவுடன் திருமண முறிவு குறித்த அறிவிப்பை வெளியிட்டது தான் தற்போது தென்னிந்திய திரை உலகில் ஹாட் டாப்பிக்காக பேசப்பட்டு வருகிறது. இந்த திருமண முறிவுக்கு யார் பக்கம் தவறு இருக்கிறது என்று ஒரு சிலர் காரணங்களை அலசி ஆராய்ந்து வருகிறார்கள். இன்னொரு பக்கம் சிலர் சமந்தாவுக்கு ஆதரவாகவும் சிலர் எதிர்ப்பாகவும் கருத்துக்களை வெளியிட்டு வருகிறார்கள்.

சமந்தா நாகசைதன்யாவை காதலிப்பதற்கு முன்பாக நடிகர் சித்தார்த்தும் அவரும் காதலித்ததாக ஒரு செய்தி பரபரப்பாக பேசப்பட்டது. இருவரும் விழாக்களில் கூட ஒன்றாக வந்து கலந்து கொண்ட நிகழ்வுகளும் நடந்தன. மேலும் இருவரும் திருமணம் செய்து கொள்வார்கள் என்கிற அளவுக்கு அப்போது செய்திகள் வெளியாகி வந்தன. ஆனால் அதன்பிறகுதான் நாகசைதன்யாவுடன் ஒரு படத்தில் இணைந்து நடித்த சமந்தா அவருடன் காதல் வயப்பட்டு பின்னர் அவரையே திருமணம் செய்து கொண்டார்.

இந்த நிலையில் தற்போது தாங்கள் பரஸ்பரம் பிரிவதாக சமந்தாவும் நாக சைதன்யாவும் அறிவித்துள்ள நிலையில், சித்தார்த் தனது ட்விட்டர் பக்கத்தில் பதிவிட்டுள்ள ஒரு டிவீட் மிகப்பெரிய சலசலப்பை ஏற்படுத்தியுள்ளதுடன் அவர் குறித்த எதிர்மறை விமர்சனங்களையும் கிளப்பியுள்ளது. அவர் வெளியிட்டுள்ள பதிவில், "ஏமாற்றுபவர்கள் ஒருபோதும் செழிப்பாக இருக்க மாட்டார்கள் என்பது சிறுவயதில் நான் ஆசிரியரிடம் கற்ற பாடங்களில் ஒன்று" என கூறியுள்ளார். இந்த நேரத்தில் இப்படி ஒரு பதிவை சித்தார்த் வெளியிட்டுள்ளதால், நிச்சயமாக சமந்தாவை மனதில் வைத்துத்தான் அவர் இவ்வாறு கூறியுள்ளதாக ரசிகர்கள் அவரை விமர்சித்து வருகின்றனர்.

• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...

• 
  லோகேஷ் கனகராஜ் அந்த விஷயத்தில் தலையிடுவதில்லை : சிலாகிக்கும் நாகார்ஜுனா
• 
  இன்னும் ஏழே நாளில் படப்பிடிப்பு முடிகிறது: 'புஷ்பா 2' விழாவில் ...
• 
  அல்லு அர்ஜுனிடம் இயக்குனர் நெல்சன் வைத்த கோரிக்கை
• 
  பெண்கள் பாதுகாப்பு - விஜய் வெளியிட்ட அறிக்கை
• 
  பேபி ஜான் - கவர்ச்சி புயலாக உருவெடுத்த கீர்த்தி சுரேஷ்