Dinamalar

'கைதி 2' : கார்த்தி சொன்னதைச் செய்வாரா லோகேஷ் கனகராஜ் ?

தமிழ் சினிமாவில் ஒரு இயக்குனருக்கு அறிமுகப்படம் வரவேற்பு கொடுத்தாலும் அவரது திறமையை நிரூபிக்க இரண்டாவது படமும் வெற்றி பெற வேண்டும். அந்த விதத்தில் 'மாநகரம்' படத்தில் இயக்குனராக அறிமுகமாகி வரவேற்பைப் பெற்றவர் லோகேஷ் கனகராஜ். அவரது இரண்டாவது படமான கார்த்தி நடித்த 'கைதி 2' படம் மிகப் பெரும் வரவேற்பைப் பெற்றது.

2019 தீபாவளிக்கு வெளிவந்த அந்தப் படத்துடன் வெளிவந்த விஜய் நடித்த 'பிகில்' படத்தின் கடும் போட்டியையும் சமாளித்து 'கைதி' படம் நன்றாக ஓடியது.

அந்தப் படத்தின் இரண்டாம் பாகம் நிச்சயம் வரும் என்று பல சந்தர்ப்பங்களில் அந்தப் படத்தின் கதாநாயகன் கார்த்தியும், இயக்குனர் லோகேஷும் பேசினார்கள். ஆனால், அதற்கடுத்து 'மாஸ்டர், விக்ரம், லியோ, கூலி' என முடித்து தற்போது அல்லு அர்ஜுன் 23வது படத்தை இயக்கப் போய்விட்டார் லோகேஷ்.

பொங்கலுக்கு வெளியான கார்த்தியின் 'வா வாத்தியார்' படத்திற்கு நல்ல விமர்சனமும், வரவேற்பும் கிடைக்கவில்லை. அவரிடம் 'கைதி 2' படம் பற்றி கேட்கப்பட்ட கேள்விக்கு “அது குறித்து லோகேஷ் தான் சொல்ல வேண்டும்,” என்று பதிலளித்துள்ளார் கார்த்தி.

கார்த்தியின் உறவினர்களான தயாரிப்பாளர்கள் எஸ்ஆர் பிரபு, எஸ்ஆர் பிரகாஷ்பாபு ஆகியோர்தான் லோகேஷ் கனகராஜை 'மாநகரம்' மூலம் இயக்குனராக அறிமுகம் செய்து அடுத்து இரண்டாவது படமான 'கைதி' வாய்ப்பையும் கொடுத்தனர்.

இப்போது, 'கைதி 2' பற்றி லோகேஷ் தான் சொல்ல வேண்டும் என கார்த்தியே கூறியிருப்பது அவருடைய வருத்தத்தை மறைமுகமாக வெளிப்படுத்தியுள்ளது. கார்த்திக்கு மட்டுமல்ல, 'கைதி 2'வை எதிர்பார்க்கும் ரசிகர்களுக்கும், 'எல்சியு' ரசிகர்களுக்கும் ஏதாவது பதில் சொல்வாரா லோகேஷ் ?.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!