Dinamalar

இரு தரப்பினரையும் விட்டுக்கொடுக்காத தமன்னாவின் தொழில் பக்தி

கொரோனா இரண்டாவது அலை சற்று ஓய்ந்துள்ள நிலையில், தற்போது திரையரங்குகள் திறக்கப்பட்டு படங்கள் வெளியாகி வருகின்றன. இந்த நிலையில் தெலுங்கில் கோபிசந்த் ஜோடியாக தமன்னா நடித்துள்ள சீட்டிமார் படம் வெளியாகி வரவேற்புடன் ஓடிக்கொண்டிருக்கிறது. இதைத்தொடர்ந்து தமன்னா நடித்துள்ள மேஸ்ட்ரோ என்கிற படமும் விரைவில் ரிலீசுக்கு தயாராகி வருகிறது. அதனால் மேஸ்ட்ரோ படக்குழுவினர் தற்போது படத்தின் புரமோஷன் நிகழ்ச்சிகளில் ஈடுபட்டு வருகின்றனர்.

இந்த நிலையில் சமீபத்தில் தமன்னாவிற்கு ஒரு இக்கட்டான சூழல் ஏற்பட்டது. ஒருபக்கம் மேஸ்ட்ரோ படத்தின் பிரஸ்மீட்டும், இன்னொரு பக்கம் சீட்டிமார் படத்தின் சக்சஸ் மீட்டும் கிட்டத்தட்ட ஒரே சமயத்தில் நடைபெற்றன. இரண்டிலுமே தமன்னா கலந்து கொள்ள வேண்டிய சூழ்நிலையில் மேஸ்ட்ரோ படம் இன்னும் ரிலீஸ் ஆகாததால் அந்த படத்திற்கு தான் முக்கியத்துவம் கொடுத்து தமன்னா செல்வார் என்று எதிர்பார்க்கப்பட்டது.

ஆனால் தமன்னாவோ மேஸ்ட்ரோ படத்தின் புரமோஷன் நிகழ்ச்சிகளில் முதலில் கலந்து கொண்டு, அதன்பிறகு உடனடியாக சீட்டிமார் படத்தின் சக்சஸ் மீட்டிலும் தனது வருகையை பதிவு செய்து தனது தொழில் பக்தியை வெளிப்படுத்தியுள்ளார். தாங்கள் நடித்த படத்திற்கு புரமோஷனுக்கு வராத நடிகைகள் மத்தியில் தமன்னாவின் இந்த செயல் தெலுங்கு திரையுலகில் பாராட்டை பெற்று வருகிறது.

• 
  சீக்வல் என்பதே ஒரு வகையான சுரண்டல் தான் : பிரியதர்ஷன் ஓபன் டாக்
• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்
• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...

• 
  எம்ஜிஆர் பற்றி அவதூறு கருத்து : மன்னிப்பு கேட்டார் தெலுங்கு நடிகர் ...
• 
  குடும்ப பெருமை என்னை துரத்துகிறது : விக்ரம் பிரபு
• 
  விஜய்சேதுபதி ஜோடியாக கவர்ச்சி நடிகை நிஷா
• 
  மகனை நினைத்து பயமாக இருக்கிறது : கருணாஸ் மனைவி கண்ணீர்
• 
  பிளாஷ்பேக் : சிவாஜி படத்தை தயாரித்த சத்யா மூவீஸ்