Dinamalar

விக்ரம் படப்பிடிப்பில் இணைந்த வி.ஜே மகேஸ்வரி

லோகேஷ் கனகராஜ் இயக்கத்தில் கமல் நடித்து வரும் விக்ரம் படத்தில் விஜய்சேதுபதி, பஹத் பாசில் என முன்னணி நட்சத்திரங்கள் பலர் நடிக்கின்றனர். இதேப்போல சின்னத்திரை பிரபலங்கலாக இருந்த ஷிவானி, மைனா நந்தினி, விஜே மகேஸ்வரி என கலர்புல்லான நட்சத்திரங்களும் இந்தப் படத்தில் இடம்பெற்றுள்ளனர். கமலுக்கு இந்த படத்தில் ஜோடி இருக்கிறதா இல்லையா என்பது தெரியாத நிலையில், இந்த மூவருமே வில்லனாக நடிக்கும் விஜய் சேதுபதிக்கு ஜோடியாக நடிக்கிறார்கள் என்று சொல்லப்படுகிறது. ஷிவானியும், மைனா நந்தினியும் தாங்கள் இந்த படத்தில் நடிப்பதை ஏற்கனவே உறுதி செய்த நிலையில், தற்போது வி.ஜே மகேஸ்வரியும் இந்த படத்தின் படப்பிடிப்பில் தான் நடித்து வருவதை உறுதிப்படுத்தியுள்ளார்.

இந்த படத்தில் வாய்ப்பு கிடைத்த அனுபவத்தையும் படப்பிடிப்பில் கலந்துகொண்ட அனுபவத்தையும் பற்றி மகேஸ்வரி கூறும்போது, ‛‛கமல் சார் அலுவலகத்திலிருந்து என்னை நடிப்பதற்காக அழைத்தபோது யாரோ சும்மா விளையாடுகிறார்கள் என நினைத்தேன். ஆனால் நேரில் சென்ற போதுதான் அது நிஜம் என்பதை தெரிந்து கொண்டேன், எந்த ஆடிசனும் வைக்கவில்லை. என்னுடைய கதாபாத்திரம் என்ன என்பதை கூட படப்பிடிப்பிற்கு சென்றபோது தான் தெரிந்து கொண்டேன். என்னுடைய காட்சிகள் பெரும்பாலும் விஜய் சேதுபதியுடன் தான் உள்ளது, படப்பிடிப்பில் அவர் எனக்கு நிறைய உதவினார். ஒரு நடிப்பு பள்ளியில் புதிதாக சேர்ந்தது போன்ற உணர்வுதான் எனக்கு ஏற்பட்டது'' என்று கூறியுள்ளார் மகேஸ்வரி.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு