ஷங்கரின் தெலுங்கு பட படப்பிடிப்பு தள்ளி வைப்பு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

24 ஆக, 2021 - 15:42 IST

எழுத்தின் அளவு:

தமிழில் பிரம்மாண்ட இயக்குனர் எனப் பெயரெடுத்த ஷங்கர், மற்ற மொழிகளில் அதிகமாகப் படங்களை இயக்கவில்லை. 'முதல்வன்' படத்தை மட்டும் ஹிந்தியில் 'நாயக்' என்ற பெயரில் ரீமேக் செய்தார். ஆனால், அந்தப் படம் ஓடவில்லை. அதன்பிறகு அவர் தமிழ்ப் படங்களில் மட்டுமே கவனம் செலுத்தி வந்தார்.

இந்நிலையில் தெலுங்கு, கன்னடப் பட இயக்குனர்கள் கூட பிரம்மாண்டப் படங்களை இயக்கி பான்-இந்தியா இயக்குனர்கள் எனப் பெயரெடுத்துவிட்டனர். எனவே, ஷங்கரும் பான்-இந்தியா இயக்குனர் எனப் பெயர் வாங்க தெலுங்கில் ராம் சரண் நடிக்கும் படத்தை ஆரம்பிக்க உள்ளார்.

இப்படத்திற்கு தமன் இசையமைக்க, கியாரா அத்வானி கதாநாயகியாக நடிக்கிறார். படத்தை செப்டம்பர் 8ம் தேதி முதல் ஆரம்பிக்க இருந்தார்கள். அது தற்போது செப்டம்பர் கடைசிக்கு தள்ளி வைக்கப்பட்டுவிட்டதாம்.

'ஆர்ஆர்ஆர்' படத்தில் சில விடுபட்ட காட்சிகளை எடுப்பதற்காக ராம் சரணிடம் 20 நாட்கள் வேண்டுமென ராஜமவுலி கேட்டுள்ளாராம். மேலும், 'ஆச்சார்யா' படத்திலும் ராம் சரண் நடிக்க வேண்டியுள்ளதாம். அந்த படப்பிடிப்புகளை முடித்த பிறகு தனது படத்தை ஆரம்பிக்கலாம் என ஷங்கர் சொல்லிவிட்டதாக டோலிவுட் தகவல்கள் தெரிவிக்கின்றன. அப்போதுதான் படப்பிடிப்பு பற்றிய அதிகாரப்பூர்வ தகவல்களையும் வெளியிட உள்ளார்களாம்.

Directorshankar

Ramcharanteja

கருத்துகள் (0) கருத்தைப் பதிவு செய்ய

'ஸ்பைடர்மேன் - நோ வே ஹோம்' டிரைலர் ...

'விக்ரம்' படத்தில் இணைந்த நரேன்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய