Dinamalar

2022 கோடை விடுமுறையில் தான் 'ஆர்ஆர்ஆர்' ரிலீஸ் ?

ஜுனியர் என்டிஆர், ராம்சரண், ஆலியா பட், ஒலிவியா மோரிஸ், அஜய் தேவகன் மற்றும் பலர் நடிப்பில், ராஜமௌலி இயக்கி வரும் படம் 'ஆர்ஆர்ஆர்'. உக்ரைன் நாட்டில் பதினைந்து நாட்களுக்கு மேல் நடைபெற்ற படப்பிடிப்பை முடித்துக் கொண்டு படக்குழுவினர் ஹைதராபாத் திரும்பியுள்ளனர். இன்னும் சில விடுபட்ட காட்சிகளின் படப்பிடிப்பை முடித்ததும் படப்பிடிப்பு முழுமையாக முடிவடைகிறதாம்.

இப்படத்தை அக்டோபர் 23ம் தேதி வெளியிடப் போவதாக ஏற்கெனவே அதிகாரப்பூர்வமாக அறிவித்திருந்தனர். இந்த மாதம் அவர்கள் வெளியிட்ட பிரமோஷன் பாடலான 'நட்பு' பாடலிலும் கூட வெளியீட்டுத் தேதியைக் குறிப்பிட்டிருந்தனர்.

இந்நிலையில் மகாராஷ்டிரா, தமிழ்நாடு, கேரளா ஆகிய மாநிலங்களில் தியேட்டர்கள் இன்னும் திறக்கப்படாமல் உள்ளது. மேலும், தியேட்டர்கள் திறக்கப்பட்ட பல மாநிலங்களிலும் 50 சதவீத இருக்கைகள் அனுமதிதான் கொடுக்கப்பட்டுள்ளது.

சுமார் 500 கோடி ரூபாய் பட்ஜெட் என சொல்லப்படும் 'ஆர்ஆர்ஆர்' படத்திற்கு தியேட்டர்களை முழுமையாகத் திறந்து, முழு இருக்கைகள் அனுமதி கொடுத்தால்தான் அவர்கள் செலவிட்ட பட்ஜெட்டையும் மீறி வசூலிக்க முடியும். எனவே, படத்தின் வெளியீட்டை 2022ம் ஆண்டு கோடை விடுமுறையில் வைத்துக் கொள்ளலாம் என முடிவு செய்துள்ளார்களாம். அது பற்றிய அறிவிப்பை விரைவில் பத்திரிகையாளர்களை சந்தித்து தெரிவிக்க உள்ளார்கள் என டோலிவுட் வட்டாரங்கள் தெரிவிக்கின்றன.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி